টীয়কত জল সম্পদ বিভাগৰ অধীক্ষক জাঁজী নদীৰ খহনীয়া পৰিদৰ্শন

0 31

আজি টীয়কৰ জাঁজী নদীৰ খহনীয়া অঞ্চল সমুহ পৰিদৰ্শন কৰে অধীক্ষক অভিযন্তা প্ৰবীন ভূঞা , কাৰ্যবাহী অভিযন্তা দিগন্ত শৰ্মাই । জাঁজী দলংৰ পৰা তামুলিছিগা হৈ বনাই লৈকে দোয়ো পাৰৰ মাথাউৰি পৰিদৰ্শন কৰে । গড়াখহনীয়া অঞ্চল সমূহত খহনীয়া প্ৰতিৰোধৰ বাবে প্ৰাথমিক ব্যৱস্থা গ্ৰহন কৰিবলৈ নিৰ্দেশ দিয়ে।
পৰৱৰ্তীকালত এই খহনীয়া অঞ্চলৰ সমূহৰ স্থায়ী ব্যৱস্থা গ্ৰহনৰ বাবে প্ৰাককলন প্ৰস্তুত কৰিবলৈ নিৰ্দেশ দিয়ে।দিনযোৰা কাৰ্যসূচীৰে টীয়কৰ জাঁজী নৈ-পৰীয়া ৰাইজৰ অৱস্থা বুজ লবলৈ আহি এই মন্তব্য জল সম্পদ বিভাগৰ বিষয়ববীয়াৰ। আজি টীয়কৰ বিভিন্ন প্ৰান্তত পৰিস্থিতিৰ বুজ লোৱাৰ সমান্তৰালভাৱে বিয়লি বনাইৰ খহনীয়া অঞ্চলসমূহ পৰিদৰ্শন কৰে ৷ প্ৰথমে ৩৭ নং ৰাষ্ট্ৰীয় ঘাই পথৰ জাঁজী নদীৰ দলংৰ পৰা তামুলিছিগা দলংলৈ কেইবাটাও খহনীয়া অঞ্চল পৰিদৰ্শন কৰাৰ লগতে স্থানীয় লোক সকলৰ লগত মত বিনিময় কৰে ৷ ইয়াৰ পিছতেই সমষ্টিটোৰ ধনতুলা , বনাই অঞ্চলত নদীখনে অব্যাহত ৰখা খহনীয়া স্থান সমূহ পৰিদৰ্শন কৰে ৷
অঞ্চল কেইটা পৰিভ্ৰমণ কৰি জাঁজী নদীখনে ভাবুকি সৃষ্টি কৰা দুটাকৈ মথাউৰি প্ৰতিৰোধৰ ব্যৱস্থা কৰা আৰু বৰ্তমান অব্যাহত থকা নদীখনৰ খহনীয়া ৰোধৰ বাবে প্ৰাথমিক ব্যৱস্থা গ্ৰহণ কৰাৰ নিৰ্দেশ দিয়ে ৷ এই ক্ষেত্ৰত অগপৰ টীয়ক বিধান পৰিষদৰ সভাপতি বিকাশ শইকীয়া আৰু যোৰহাট জিলা সম্পাদক দ্বিপেন শইকীয়াইও অঞ্চলৰ খহনীয়াগ্ৰস্ত ঠাই সমূহ পৰিদৰ্শন কৰি স্থায়ী সমাধানৰ চেষ্টা কৰিব বুলি ৰাইজক আশ্বাস দিয়ে ৷ ইয়াৰোপৰি নদীখনৰ খহনীয়া ৰোধৰ ক্ষেত্ৰত ৰূপায়ন হোৱা সকলো আঁচনি সঠিক ৰূপত ৰূপায়িত হয় সেই বিষয়ত তীক্ষ্ণ দৃষ্টি ৰাখিব বুলি সংবাদ মাধ্যম জানিবলৈ দিয়ে।
খবৰ যুগুতালে অমৃত দত্তই..

Leave A Reply

Your email address will not be published.