দেশ তথা ৰাজ্যত মহামাৰী ক’ৰণা ভাইৰাছে বিভিষিকাময় পৰিস্থিতিৰ সৃষ্টি কৰি ৰাইজক আতংকিত কৰি তোলাৰ সমান্তৰালভাৱে দক্ষিণ কামৰূপতো এতিয়া গণ সংক্ৰমণ ঘটিছে। মহামাৰী ক’ৰণাৰ গণ সংক্ৰমণ ৰোধ কৰাৰ ক্ষেত্ৰত স্বাস্থ্য বিভাগ আৰু জিলা প্ৰশাসনে বিভিন্ন নীতি-নিয়ম তথা মিনি লকডাউন আৰু আন্ত: জিলাত যাতায়াত ইতিমধ্যেই বন্ধ কৰিছে। যিহেতু বৰ্তমান সময়ছোৱাত মহামাৰী ক’ৰণাত আক্ৰান্ত লোকসকলক ৰাজ্য চৰকাৰৰ চিকিৎসা বিভাগে পৰ্যাপ্ত পৰিমাণে চিকিৎসাৰ ব্যৱস্থা কৰি আহিছে যদিও কিছু কিছু ক্ষেত্ৰত ৰোগীসকলে সমস্যাৰ সন্মুখীন হ’বলগীয়া হৈছে। এই সমস্যা সমাধান কৰাৰ ক্ষেত্ৰত ৰাজ্যিক বিজেপিৰ নিৰ্দেশক্ৰমে দক্ষিণ কামৰূপ জিলা বিজেপিৰ সভাপতি ধনেশ্বৰ তালুকদাৰ আৰু পলাশবাৰী সমষ্টিৰ বিজেপি বিধায়ক হেমাংগ ঠাকুৰীয়াৰ প্ৰচেষ্টাত কিছুদিন পূৰ্বে এখন বৈঠকত মিলিত হৈ “সেৱাহি সংগঠন” নামাকৰণেৰে এখন সমিতি গঠন কৰে। ২৩ জনীয়া সদস্যৰে গঠিত সেৱাহি সংগঠনে পলাশবাৰী, ছয়গাঁও আৰু বকো সমষ্টিৰ ক’ভিড আক্ৰান্ত ৰোগীসকল তথা কণ্টেইনমেন জ’নত থকা পৰিয়ালবৰ্গক পৰ্যপ্ত পৰিমাণে সহায়ৰ বাবে হাত আগবঢ়াব। সেয়েহে তিনিওটা সমষ্টিৰ ৰাইজৰ সুবিধাৰ্থে ব্যৱস্থা গ্ৰহণ কৰি ক’ভিড আক্ৰান্ত ৰোগী বা পৰিয়ালৰ লোকৰ ক’ভিড সম্পৰ্কীয় যিকোনো সমস্যাৰ সন্মুখীন হ`লে তৎকালীনভাৱে ৭০০২৭৭৫২০৪ আৰু ৯১০১৬৩৭৮৭৭ নম্বৰত যোগাযোগ কৰিবলৈ আহ্বান জনাইছে।
Trending
- মন্ত্ৰী জয়ন্ত মল্লবৰুৱাৰ উপস্থিতিত স্বাক্ষৰিত হয় এইমএছ গুৱাহাটী আৰু নলবাৰী চিকিৎসা মহাবিদ্যালয় আৰু চিকিৎসালয়ৰ মাজত এক বুজাবুজি চুক্তি
- আজিৰে পৰা ১৩৩ সংখ্যক ইণ্ডিয়ান অইল ডুৰাণ্ড কাপ ফুটবল
- অমৃত বৃক্ষ আন্দোলনৰ অধীনত মৰিগাঁও জিলাত ৭ লাখ গছপুলি ৰোপণৰ লক্ষ্য
- তামুলপুৰত স্বাধীনতা দিৱসৰ প্ৰস্তুতি সম্পৰ্কীয় সভা
- গুৱাহাটী জল ব’ৰ্ডৰ কাম-কাজৰ বিস্তৃত পৰ্যালোচনাৰ অন্তত মন্ত্ৰী অশোক সিংহলৰ ঘোষণা
- গোৱালপাৰাৰ সদ্যপ্ৰয়াত ব্যৱসায়ী অশোক গোৱেলৰ বাসগৃহত উপস্থিত হৈ শোকাৰ্ত পৰিয়ালবৰ্গক সাক্ষাৎ মন্ত্ৰী অশোক সিংহলৰ
- আকাশবাণী নগাঁও কেন্দ্ৰৰ ৰাষ্ট্ৰীয় সম্প্ৰচাৰ দিন উদযাপন
- গুৱাহাটীত সাংবাদিকৰে মননশীল আলোচনাত অৰ্গেনাইজাৰ” পত্ৰিকাৰ মুখ্য সম্পাদক প্ৰফুল্ল কেতকাৰ
- পৌৰ প্ৰশাসনৰ সংস্কাৰ, উদ্যান আৰু বজাৰগৃহ নিৰ্মাণ, স্বচ্চ ভাৰত অভিযান আদি বিভিন্ন বিষয়ত জনতা ভৱনত মন্ত্ৰী অশোক সিংহলৰ কেইবাখনো গুৰুত্বপূৰ্ণ বৈঠক
- অসম জাতীয়তাবাদী যুৱ ছাত্ৰ পৰিষদৰ ৰামপুৰ আঞ্চলিক সমিতি গঠন