ভাৰতৰ প্ৰধানমন্ত্ৰী নৰেন্দ্ৰ মোডী,কেন্দ্রীয় পথ পৰিবহন মন্ত্রী নিতীন গাডকাৰীয়ে দেশত পথ দুৰ্ঘটনাত উদ্বেগ প্ৰকাশ কৰি উদ্ধতম দুৰ্ঘটনাৰ সংখ্যা হ্ৰাস কৰি মানৱ সম্পদ কেনেকৈ ৰক্ষা কৰিব পাৰি তাৰ বাবে দেশৰ সকলো ৰাজ্য আৰু কেন্দ্রীয় শাসিত অঞ্চল সমূহৰ সংশ্লিষ্ট বিভাগ সমূহক আহ্বান জনাইছে।সমান্তৰালভাৱে অসমৰ মুখ্যমন্ত্ৰী সৰ্বানন্দ সোণোৱাল আৰু পৰিবহন মন্ত্রী চন্দ্রমোহন পাটোৱাৰীয়েও ৰাজ্যত বৰ্ধিত পথ দুৰ্ঘটনাত উদ্বেগ প্ৰকাশ কৰি পৰিবহন বিভাগক দুৰ্ঘটনা ৰোধ আৰু ৰাইজক এই দিশত সজাগ কৰাৰ বাবে হাতে কামে নামি পৰিবলৈ নিৰ্দেশ জাৰি কৰিছে।সেই নিৰ্দেশৰ ভিত্তিত প্ৰথমবাৰৰ বাবে গুৱাহাটী সংসদীয় সমষ্টিত লোকসভা সমষ্টি ভিত্তিত ১৮ জানুৱাৰীৰ পৰা পথ সুৰক্ষা কাৰ্যসূচী আৰম্ভ কৰা হৈছে।১৮ জানুৱাৰীত গুৱাহাটীৰ পাৰ্শ্বৱৰ্তী আমিনগাঁওস্থিত কামৰূপ জিলাৰ উপাধ্যক্ষৰ কাৰ্যালয়ৰ সভাগৃহত আয়োজিত এক গাম্ভীর্যপূৰ্ণ অনুষ্ঠানত সাংসদ কুইন ওজাই সংসদীয় সমষ্টি ভিত্তিত পথ সুৰক্ষা সজাগতা কাৰ্যসূচীৰ শুভাৰম্ভ কৰে।এই উপলক্ষে অনুষ্ঠিত সভাখনত ৰাইজৰ মাজত পথ সুৰক্ষাৰ দিশত সজাগতা সৃষ্টিৰ লগতে সমান্তৰালভাৱে বিলুপ্তপ্ৰায় হাড়গিলা সংৰক্ষণৰ বাবে হাড়গিলা চৰাইক প্ৰতীক চিহ্ন ৰূপে গ্রহণ কৰা হয়।হাড়গিলা চৰাইৰ প্ৰতীক চিহ্ন মুকলি কৰে সাংসদ কুইন ওজাই।আনহাতে কামৰূপ জিলাৰ উপায়ুক্ত তথা গুৱাহাটী সংসদীয় পথ সুৰক্ষা সমিতিৰ সদস্য সচিব কমল কুমাৰ বৈশ্যৰ আদৰণি ভাষণৰে শুভাৰম্ভ হোৱা সভাখনত কুইন ওজাই বৰ্ধিত পথ দুৰ্ঘটনা আৰু দুৰ্ঘটনাত যুৱ প্ৰজন্ম নিহত আহত হোৱা বিষয়টোত গভীৰ উদ্বেগ প্ৰকাশ কৰি পথ সুৰক্ষাৰ দিশত দীৰ্ঘদিন ধৰি কাম কৰি অহা বাবে জিলা পৰিষদৰ বিষয়া গৌতম দাসক শলাগ লয়।জিলা পৰিবহন বিষয়া গৌতম দাসে আঁত ধৰা সভাখনত অতিৰিক্ত উপায়ুক্ত সত্যজ্যোতি বৰুৱা,ৰঙিয়াৰ মহকুমাধিপতি মনিন্দ্র বৰদলৈ,কামৰূপ জিলাৰ আৰক্ষী অধীক্ষক পাৰ্থসাৰথি মহন্ত,বিদ্যালয় সমূহৰ পৰিদৰ্শক প্ৰসন্ন বৰা,জিলা প্ৰাথমিক শিক্ষা বিষয়া অপূৰ্ব ঠাকুৰীয়া,চিলাৰ আঞ্চলিক বন বিষয়া ৰঞ্জিত দত্ত,হাড়গিলা সংৰক্ষণৰ বাবে গ্রীণ অস্কাৰ বঁটা বিজয়ী ড০ পূৰ্ণিমা দেৱী বৰ্মন,অভিযন্তা কল্যাণ বৰদলৈকে ধৰি গড়কাপ্তানী বিভাগৰ অভিযন্তা আৰু স্বাস্থ্য বিভাগৰ কেবাগৰাকী বিষয়া উপস্থিত থাকে।
Trending
- অসম আৰু উত্তৰ-পূৰ্বাঞ্চলৰ গ্ৰাহকক অনলাইন প্ৰৱঞ্চনাৰ পৰা ৰক্ষা কৰিবলৈ ভাৰতী এয়াৰটেলৰ অনন্য প্ৰচেষ্টা
- ৰাইজৰ সুবিধাৰ বাবে বন বিভাগৰ ৱেব পৰ্টেল আৰু ম’বাইল এপ মুকলি
- বি আৰ অৰ পূৱ মণ্ডলৰ এ ডি জি হিচাপে জীতেন্দ্ৰ প্ৰসাদৰ কাৰ্যভাৰ গ্ৰহণ
- মুখ্যমন্ত্ৰীৰ সপোনৰ প্ৰকল্প – ব্ৰহ্মপুত্ৰৰ ওপৰত শুৱালকুচি – পলাশবাৰী সংযোগী দলঙৰ মাজিৰগাঁওৰ পৰা বিমানবন্দৰৰ সমীপলৈ নিৰ্মাণ হাইস্পীদ চাৰিলেনযুক্ত পথ সুকীয়াকৈ থাকিব
- Inauguration of Common Facility Center (CFC) under PM-DevINE Scheme at Chümoukedima, Nagaland
- চলিত মাহতে নথিপত্ৰ সঠিক কৰি লৈহে বাহন চলাওক- অসমত চলাচল কৰা বৰ্হিৰাজ্যৰ বাহন অসমৰ পৰিবহণ বিভাগত পঞ্জীয়ন কৰাৰ আহ্বান
- আজাৰা কাঁহিকুছিৰ কৃষি বিজ্ঞান কেন্দ্ৰ, কামৰূপলৈ দেশৰ শ্ৰেষ্ঠ কৃষি বিজ্ঞান কেন্দ্ৰৰ বঁটা
- ভূটানৰ গেলেফু মাইণ্ডফুলনেছ চিটিৰ প্ৰতিনিধি দলৰ হয়গ্ৰীৱ মাধৱ মন্দিৰ আৰু আই আই টি-গুৱাহাটী ভ্ৰমণ
- ভাৰত-ডেনমাৰ্কৰ দ্বিপাক্ষিক সম্পৰ্কৰ সফলতাই বিশ্বৰ সামুদ্ৰিক খণ্ডক এক নতুন গতি দিব: কোপেনহেগেন বিজনেছ স্কুলত ব্লু এম বি এ-ৰ প্ৰতিভাসমূহক সম্বোধন কৰে কেন্দ্ৰীয় মন্ত্ৰী সোণোৱালে
- NECTAR Launches Organic Agriculture Project in Arunachal Under PM-DevINE Scheme