মহানগৰীৰ ধাৰাপুৰ চাৰিআলিস্থিত পশ্চিম গুৱাহাটী মহাবিদ্যালয়ৰ ১৮ জানুৱাৰীৰ পৰা আৰম্ভ হোৱা মহাবিদ্যালয় বাৰ্ষিক সপ্তাহৰ ২৩ জানুৱাৰীত আনুষ্ঠানিক ভাৱে সফল সামৰণি পৰে। মহাবিদ্যালয়খনৰ ছাত্র একতা সভাৰ উদ্যোগত অনুষ্ঠিত বাৰ্ষিক সপ্তাহৰ মহাবিদ্যালয়ৰ পতাকা উত্তোলনেৰে কাৰ্যসূচী শুভাৰম্ভ কৰে অধ্যক্ষ ড০ ৰাণা শৰ্মাই। ইয়াৰ পিছত আছুৰ পতাকা উত্তোলন কৰে ধাৰাপুৰ ছাত্র সন্থাৰ সভাপতি অভিজিৎ কলিতাই আৰু ছাত্র একতা সভাৰ পতাকা উত্তোলন কৰে সভাপতি হিৰকজ্যোতি কলিতাই। শ্বহীদ তৰ্পণ কৰে মহাবিদ্যালয়খনৰ উপাধ্যক্ষ পাৰুল বৈশ্যই। আনহাতে বৰ্ণাঢ্য সাংস্কৃতিক শোভাযাত্ৰা আনুষ্ঠানিকভাৱে মুকলি কৰে অধ্যক্ষ ড০ ৰাণা শৰ্মা আৰু উপাধ্যক্ষ পাৰুল বৈশ্যই। খেল উদ্বোধন কৰে অধ্যাপক ড০ হজৰত আলিয়ে। উল্লেখ্য যে, সাংস্কৃতিক শোভাযাত্ৰা প্ৰতিযোগিতাত ইংৰাজী বিভাগে প্ৰথম, বাণিজ্য বিভাগে দ্বিতীয় আৰু অসমীয়া বিভাগে তৃতীয় স্থান অধিকাৰ কৰিবলৈ সক্ষম হয়। তদুপৰি এইবেলি মহাবিদ্যালয় বাৰ্ষিক সপ্তাহৰ শ্ৰেষ্ঠ সংগীত শিল্পীৰ সন্মান যুটীয়া ভাবে অৰ্জন কৰে জিলমিল ৰূপালী জোনাক আৰু স্বপ্ননীল গোস্বামীয়ে। আনহাতে শ্ৰেষ্ঠ খেলুৱৈৰ সন্মান লাভ কৰে চাহিদুল ইছলামে আৰু শ্ৰেষ্ঠ সমাজসেৱকৰ বঁটা লাভ কৰে প্ৰণৱজ্যোতি ৰাভাই। মিঃ পি জি এমৰ খিতাপ অৰ্জন কৰে প্ৰাঞ্জল কাকতিয়ে। উল্লেখ্য যে, কালি সামৰণি অনুষ্ঠানৰ সৈতে সংগতি ৰাখি সুপ্ত প্ৰতিভা বিকাশ শীৰ্ষক এটা অনুষ্ঠান অনুষ্ঠিত হয়। এটি বিয়ানাম পৰিবেশন কৰি অনুষ্ঠানটো মুকলি কৰে অসমীয়া বিভাগৰ তিনি অধ্যাপিকা ক্ৰমে ড০ পূৰবী কলিতা, ড০ কুকিলা গোস্বামী আৰু হিমাশ্ৰী বৰ্মণে। অনুষ্ঠানটোত ছাত্র-ছাত্ৰী সকলে তেওঁলোকৰ বিভিন্ন পাৰদৰ্শিতা সমূহ প্ৰদৰ্শন কৰে। অধ্যক্ষ ড০ ৰাণা শৰ্মাৰ সভাপতিত্বত অনুষ্ঠিত বঁটা বিতৰণি সভাখনৰ আঁত ধৰে ছাত্র একতা সভাৰ সম্পাদক সৌৰভ কাকতিয়ে। সভাত বাৰ্ষিক সপ্তাহত শ্ৰেষ্ঠত্ব অৰ্জন কৰিবলৈ সক্ষম হোৱা ছাত্র-ছাত্ৰী সকলক বঁটা আৰু মানপত্ৰ সমূহ প্ৰদান কৰা হয়। বঁটা বিতৰণী সভাত ড০ গগণজ্যোতি বৰা আৰু ড০ হজৰত আলিয়ে ছাত্র-ছাত্ৰী সকলক উদ্দেশ্যি এক সাৰুৱা ভাষণ আগবঢ়ায়।
Trending
- Assam–Arunachal Border Talks: 5th Regional Committee Meeting Charts Path to Resolution
- অসম আৰু উত্তৰ-পূৰ্বাঞ্চলৰ গ্ৰাহকক অনলাইন প্ৰৱঞ্চনাৰ পৰা ৰক্ষা কৰিবলৈ ভাৰতী এয়াৰটেলৰ অনন্য প্ৰচেষ্টা
- ৰাইজৰ সুবিধাৰ বাবে বন বিভাগৰ ৱেব পৰ্টেল আৰু ম’বাইল এপ মুকলি
- বি আৰ অৰ পূৱ মণ্ডলৰ এ ডি জি হিচাপে জীতেন্দ্ৰ প্ৰসাদৰ কাৰ্যভাৰ গ্ৰহণ
- মুখ্যমন্ত্ৰীৰ সপোনৰ প্ৰকল্প – ব্ৰহ্মপুত্ৰৰ ওপৰত শুৱালকুচি – পলাশবাৰী সংযোগী দলঙৰ মাজিৰগাঁওৰ পৰা বিমানবন্দৰৰ সমীপলৈ নিৰ্মাণ হাইস্পীদ চাৰিলেনযুক্ত পথ সুকীয়াকৈ থাকিব
- Inauguration of Common Facility Center (CFC) under PM-DevINE Scheme at Chümoukedima, Nagaland
- চলিত মাহতে নথিপত্ৰ সঠিক কৰি লৈহে বাহন চলাওক- অসমত চলাচল কৰা বৰ্হিৰাজ্যৰ বাহন অসমৰ পৰিবহণ বিভাগত পঞ্জীয়ন কৰাৰ আহ্বান
- আজাৰা কাঁহিকুছিৰ কৃষি বিজ্ঞান কেন্দ্ৰ, কামৰূপলৈ দেশৰ শ্ৰেষ্ঠ কৃষি বিজ্ঞান কেন্দ্ৰৰ বঁটা
- ভূটানৰ গেলেফু মাইণ্ডফুলনেছ চিটিৰ প্ৰতিনিধি দলৰ হয়গ্ৰীৱ মাধৱ মন্দিৰ আৰু আই আই টি-গুৱাহাটী ভ্ৰমণ
- ভাৰত-ডেনমাৰ্কৰ দ্বিপাক্ষিক সম্পৰ্কৰ সফলতাই বিশ্বৰ সামুদ্ৰিক খণ্ডক এক নতুন গতি দিব: কোপেনহেগেন বিজনেছ স্কুলত ব্লু এম বি এ-ৰ প্ৰতিভাসমূহক সম্বোধন কৰে কেন্দ্ৰীয় মন্ত্ৰী সোণোৱালে