অসম চৰকাৰৰ বন বিভাগৰ উদ্যোগত পহিলা জুলাইৰ পৰা ৰাজ্যজুৰি চলি আছে বন মহোৎসৱ সপ্তাহ । অহা ৭ জুলাইত সামৰণি পৰিবলগীয়া সপ্তাহৰ লগত সংগতি ৰাখি বন সংমণ্ডল আৰু আঞ্চলিক বন বিষয়া কাৰ্যালয়ৰ উদ্যোগত ছাত্ৰ – ছাত্রীকে ধৰি ৰাইজৰ মাজত পৰিৱেশ সচেতনতা সৃষ্টিৰ বাবে গছপুলি ৰোপণ আৰু বিতৰণ কাৰ্যসূচী চলি আছে । আনহাতে বন মহোৎসৱ সপ্তাহৰ লগত সংগতি ৰাখি আজি খানাপাৰা প্ৰাথমিক বিদ্যালয় চৌহদত পূব কামৰূপ বন সংমণ্ডলৰ ডি এফ অ ৰোহিণী বল্লভ শইকীয়াৰ তত্বাৱধানত গুৱাহাটী আঞ্চলিক বন বিষয়া কাৰ্যালয় আৰু চি আৰ পি এফৰ খানাপাৰা ইউনিটৰ যৌথ উদ্যোগত গছপুলি বিতৰণ আৰু ৰোপণ কাৰ্যসূচী অনুষ্ঠিত হয় গছপুলি ৰোপণ – বিতৰণ কাৰ্যসূচীৰ শুভাৰম্ভ কৰে বন বিভাগৰ পূব কামৰূপ বন সংমণ্ডলৰ সহকাৰী বন সংৰক্ষক জন ৰঞ্জন দাস , গুৱাহাটীৰ আঞ্চলিক বন বিষয়া প্ৰাঞ্জল বৰুৱা , চি আৰ পি এফৰ খানাপাৰা ইউনিটৰ ভাৰপ্ৰাপ্ত বিষয়া সঞ্জয় সিং আৰু খানাপাৰা প্ৰাথমিক বিদ্যালয়ৰ সহকাৰী শিক্ষক ৰমেন তালুকদাৰে । আনহাতে কাৰ্যসূচীৰ জৰিয়তে বিভিন্ন প্ৰজাতিৰ প্ৰায় ২০০ টা গছপুলি ৰাইজৰ মাজত বিতৰণ কৰাৰ লগতে বিদ্যালয় চৌহদ আৰু কাষৰীয়া স্থানত প্ৰায় ১৫০ টা গছপুলি ৰোপণ কৰা হয় ।
Trending
- প্ৰকৃতিপ্ৰেমী মঞ্চ অসমৰ জহামাল উদ্ধাৰ
- প্ৰতিকূল বতৰকো নেওচি সৰ্বানন্দ সোণোৱালৰ সমৰ্থনত ওলাই আহিল হাজাৰ হাজাৰ লোক-ডিব্ৰুগড় লোকসভা সমষ্টিৰ বিজেপি নেতৃত্বাধীন এনডিএ-ৰ প্ৰাৰ্থী হিচাপে মনোনয়ন পত্ৰ দাখিল কৰে কেন্দ্ৰীয় মন্ত্ৰী সৰ্বানন্দ সোণোৱালে
- পল্টন বজাৰত বহুভাষিক কাব্য সন্ধ্যা অনুষ্ঠিত
- Dr. Buljit Buragohain at the Annual Lecture Program of the Department of Education B Borooah College
- কাহিলীপাৰাত প্ৰসিদ্ধ সাহিত্যিক, সমালোচক ড০ গোবিন্দ প্ৰসাদ শৰ্মাক পৰাগজ্যোতি প্ৰকাশনৰ সম্বৰ্দ্ধনা
- এইচ ডি এফ চি বেংকে সমগ্ৰ ভাৰতত ৬০ টা বেংকিং আউটলেট উদ্বোধন
- কামৰূপ মহানগৰ জিলা নেহেৰু যুৱ কেন্দ্ৰৰ উন্নয়ন খণ্ড ভিত্তিত ক্ৰীড়া উৎসৱ
- বিশ্ব কবিতা দিৱসত কবিতাৰ বৰষুণ
- গুৱহাটীত দুখন আই পি এল মেচ খেলিব ৰাজস্থান ৰয়েলছে- নিশ্চিত কৰিলে দলৰ অধ্যক্ষ অসমৰ ৰঞ্জিত বৰঠাকুৰে
- জিএন আৰ চি হাস্পাতালত বিশ্ব মগজুৰ আঘাত সংক্ৰান্তীয় সজাগতা দিৱস পালন