চৰকাৰৰ উদ্যোগত তথা বাণিজ্য বিভাগৰ বিপনী আঁচনিৰ অধীনত আৰু ধাৰাপুৰ স্নেহ গ’ল্ড ফাউণ্ডেচনৰ সহযোগত বিগত ৬ ডিচেম্বৰৰ পৰা পাঁচদিনীয়া কাৰ্যসূচীৰে ধাৰাপুৰ স্কুল খেলপথাৰত অনুষ্ঠিত হোৱা বাণিজ্য মেলাৰ প্ৰদৰ্শনীৰ আজি সফল সামৰণি পৰে।ধাৰাপুৰ স্কুল খেলপথাৰত প্ৰথমবাৰৰ বাবে বাণিজ্য বিভাগৰ উদ্যোগত অনুষ্ঠিত বাণিজ্য মেলাখনে ক্ৰেতা দৰ্শকৰ যথেষ্ট সঁহাৰি লাভ কৰা পৰিলক্ষিত হয়।বাণিজ্য মেলা পৰিচালনা সমিতিৰ সভাপতি গৌতম দাস,সম্পাদক কুশল চন্দ্ৰ কলিতা আৰু সাধাৰণ সম্পাদক হেমন্ত কলিতাই এই সন্দৰ্ভত জানিবলৈ দিয়া মতে বাণিজ্য মেলাখনত ৰাজ্যখনৰ ভিন্ন প্ৰান্তৰ মুঠ ৮২ টা বাণিজ্যিক বিপনীয়ে অংশগ্ৰহণ কৰে।খাদ্যসামগ্ৰী,বস্ত্ৰসম্ভাৰ,ঘৰুৱা আঁচ-বাব,প্ৰসাধন সামগ্ৰীকে ধৰি বিভিন্ন সা-সামগ্ৰী উপলব্ধ হোৱা বাণিজ্য মেলালৈ প্ৰতিদিনে যথেষ্ট লোকৰ সমাগম ঘটে।ইপিনে বাণিজ্য মেলাৰ সৈতে সংগতি ৰাখি আধুনিক গীত,একক আধুনিক নৃত্য,চিত্ৰাংকন আৰু দিহানাম প্ৰতিযোগিতা অনুষ্ঠিত হয়।আধুনিক গীত প্ৰতিযোগিতাৰ ক শাখাত গুনগুন কাশ্যপে প্ৰথম,ভাস্বতী ৰাজবংশীয়ে দ্বিতীয় আৰু আকাংক্ষা শৰ্মাই তৃতীয় স্থান লাভ কৰে।আনহাতে খ শাখাত নিৰ্মালী দাসে প্ৰথম,কৃতিকা নাথ আৰু ৰিম্পী কলিতাই যুতীয়াভাৱে দ্বিতীয় আৰু দেৱাস্মিতা কাশ্যপে তৃতীয় স্থান লাভ কৰে।একক আধুনিক নৃত্য প্ৰতিযোগিতাত ক শাখাৰ প্ৰথম বনাশিখা দত্ত আৰু নম্ৰতা শৰ্মাই দ্বিতীয় আৰু কৃতিকা কলিতাই তৃতীয় স্থান লাভ কৰাৰ লগতে খ শাখাৰ নেহা জেচিয়ে প্ৰথম,স্নেহা কৰে দ্বিতীয় আৰু ভায়েলিনা দাসে তৃতীয় স্থান অৰ্জন কৰে।তদুপৰি চিত্ৰাংকন প্ৰতিযোগিতাত বিশ্বজিৎ দাসে প্ৰথম,গীতাৰ্থ কলিতাই দ্বিতীয় আৰু ফাৰিদা চুলতানাই তৃতীয় স্থান লাভ কৰে।লগতে দিহানাম প্ৰতিযোগিতাত আজাৰাৰ মহামায়া নামতী দলে প্ৰথম,ধাৰাপুৰৰ নিজৰা কলিতাৰ দলে দ্বিতীয় আৰু মাজৰগাঁৱৰ যামিনী কলিতাৰ দলে তৃতীয় স্থান অৰ্জন কৰে।উল্লেখ্য যে এম.বি বিপনী উদ্যোগে প্ৰথম,মা শিলু ক্ষুদ্ৰ উদ্যোগ,পল্লবী ক্ৰিয়েচন আৰু শেৱালি উদ্যোগে যুটীয়াভাৱে দ্বিতীয়,হাইদৰ কেন এণ্ড বেম্ব’ ইণ্ডাষ্ট্ৰী আৰু অমিয়া ইণ্ডাষ্ট্ৰীয়ে যুটীয়াভাৱে তৃতীয় শ্ৰেষ্ঠ বাণিজ্যিক বিপনীৰ বঁটা লাভ কৰে।স্নেহ গ’ল্ড ফাউণ্ডেচনৰ উদ্যোগত অনুষ্ঠিত বঁটা বিতৰণী সভাত শ্ৰেষ্ঠ প্ৰতিযোগী ফলক বঁটা আৰু মানপত্ৰ প্ৰদান কৰা হয়।উল্লেখ্য বাণিজ্য মেলাৰ সৈতে সংগতি ৰাখি অনুষ্ঠিত বৰ্ণময় সাংস্কৃতিক অনুষ্ঠানত অদিষ্ণা ৰাজবংশী,জ্ঞানশংকৰ বৰুৱা,জিলমিল ৰূপালী জোনাক,লতিকা দাস আৰু মিচ গাৰ্গীয়ে সংগীত পৰিৱেশন কৰি উপস্থিত সকলোকে আপ্লুত কৰে।
Trending
- ডিব্ৰুগড় চহৰত অম্ৰুটৰ অধীনত নিৰ্মীয়মান পানী যোগান প্ৰকল্পসমূহ পৰিদৰ্শন মন্ত্ৰী অশোক সিংহলৰ
- জামুগুৰিহাটৰ নাহৰবাৰীত দূস্প্ৰাপ্য ঈগল চৰাই উদ্ধাৰ
- কংগ্ৰেছৰ ভাৰত জোড়ো যাত্ৰাত অসম ৰাজ্যিক কংগ্ৰেছ দলৰ তিনি যুৱক-৪০৮০ কিলোমিটাৰ যাত্ৰাৰ অন্তত শ্ৰীনগৰ লালচকত সামৰণী
- ঢকুৱাখনাত গাঁওৰক্ষী বাহিনীৰ প্ৰতিষ্ঠা দিৱস পালন
- পথৰুঘাটৰ কৃষকৰ আত্মত্যাগৰ ইতিহাসক দেশ-বিদেশত প্রচাৰ উদ্দেশ্যে তথ্য চিত্ৰ নিৰ্মাণ কৰিব ৰাজ্য চৰকাৰে
- অসমৰ পৰৱৰ্তী আৰক্ষী সঞ্চালকৰ নাম ঘোষণা
- শ্ৰীমন্ত শংকৰদেৱ সংঘৰ তিতাবৰ জিলাৰ বিংশতিতম বাৰ্ষিক অধিবেশন আৰম্ভ
- খানামুখত মিনি ফুটবল প্ৰতিযোগিতা আৰম্ভ
- তিনিচুকীয়াৰ জিলা প্ৰশাসনৰ সৈতে অইল ইণ্ডিয়াৰ গ্ৰামোন্নয়ন চুক্তি
- গুৱাহাটী মহানগৰীৰ উন্নয়ন সন্দৰ্ভত ৰাজ্যিক উদ্ভাৱন আৰু ৰূপান্তৰ আয়োগৰ গুৰুত্বপূৰ্ণ বৈঠকত অংশগ্ৰহণ মন্ত্ৰী অশোক সিংহলৰ