বুধবাৰৰ পৰা কামাখ্যাত আৰম্ভ হৈছে চৈত্ৰ নৱৰাত্ৰি

নীলাচল পাহাৰৰ বুকুত থকা ঐতিহ্যমণ্ডিত কামাখ্যা দেৱালয়ত বুধবাৰৰ পৰা আৰম্ভ হৈছে চৈত্ৰ নৱৰাত্ৰি। বুধবাৰৰ পৰা আৰম্ভ হোৱা নৱৰাত্ৰি উপলক্ষে আটকধুনীয়াকৈ সজাই পৰাই তোলা হৈছে কামাখ্যা মন্দিৰ । মাৰ আশীষ ল’বলৈ ৰাজ্যৰ বিভিন্ন প্ৰান্তৰ পৰা ভক্তই ভিৰ কৰিছে শক্তিপীঠ কামাখ্যাত । নৱৰাত্ৰিৰ আজি দ্বিতীয় দিনাও কেইবা সহস্ৰাধিক ভক্তপ্ৰাণ ৰাইজৰ সমাগম হয় ৷ উল্লেখ্য যে,মহানগৰীৰ নীলাচল পাহাৰস্থিত কামাখ্যা মন্দিৰ হৈছে দেশৰ ৫১খন শক্তিপীঠৰ ভিতৰত আটাইতকৈ প্ৰাচীন পীঠ।