কালিৰে পৰা আৰম্ভ হৈছে কেন্দ্রীয় বাজেট অধিবেশন।আজি বিত্ত মন্ত্রী নিৰ্মলা সীতাৰমনে দাখিল কৰিছে ২০২০-২১ বৰ্ষৰ দেশৰ বিত্তীয় বাজেট।বাজেটত শিক্ষা,স্বাস্থ্য,কৃষি আৰু উদ্যোগৰ ক্ষেত্রত বিশেষ গুৰুত্ব আৰোপ কৰিছে।এই বাজেটত আয়কৰ দাতালৈ আছে সুখবৰ।নতুন শ্লেব অনুসৰি বছৰি ৫ লাখ টকা পৰ্যন্ত উপাৰ্জন কৰাসকলে এক শতাংশও আয়কৰ দিব নালাগে।ইয়াৰ লগতে ৫ ৰ পৰা ৭.৫ লাখলৈ ১০ শতাংশ কৰ ধাৰ্য্য কৰা হৈছে।ইয়াৰ পূৰ্বে ৫ লাখ টকা উপাৰ্জনকাৰী সকলে ৫ শতাংশ আৰু ৫ পৰা ৭.৫ লাখলৈ ২০ শতাংশ কৰ দিব লাগিছিল।ইয়াৰোপৰি ১০ ৰ পৰা ১২.৫ লাখলৈ ২০ শতাংশ,১২.৫ ৰ পৰা ১৫ লাখলৈ ২৫ শতাংশ আৰু ১৫ লাখতকৈ অধিক আয়ত ৩০ শতাংশ কৰ দিব লাগিব।দেশৰ শিক্ষাখণ্ডত বিশেষ গুৰুত্ব প্ৰদান কৰি নতুন শৈক্ষিক প্ৰতিষ্ঠান স্থাপন কৰা হ’ব।নতুন শিক্ষানীতিৰ লগতে দৰিদ্ৰ শিক্ষাৰ্থীৰ বাবে বৃত্তিৰ ব্যৱস্থা কৰা হ’ব।নতুন বিত্তীয় বৰ্ষত শিক্ষাত ৯৯,৩০০ কোটি টকা ধাৰ্য্য কৰা হৈছে।আজি সদনত দাখিল কৰা বাজেটত দেশৰ পৰ্যটন বিভাগৰ উন্নয়নৰ প্ৰতি লক্ষ্য ৰাখি ৫ খন প্ৰত্নতাত্বিক স্থানৰ উন্নয়নত গুৰুত্ব দিব চৰকাৰে।ইয়াৰে ভিতৰত অসমৰ শিৱসাগৰ জিলাও অন্তর্ভুক্ত হৈছে।মোডী চৰকাৰৰ দ্বিতীয়টো কাৰ্যকালৰ প্ৰথমখন পূৰ্ণাংগ বাজেটত অনুসূচিত জাতি,অনুসূচিত জনগোষ্ঠী,অন্যান্য পিছপৰা শ্রেণীৰ বাবে বহুকেইটা গুৰুত্বপূর্ণ ঘোষণা আছে।এছ চি আৰু অ বি চি ৰ বাবে বাজেটত ৮৫ হাজাৰ কোটি টকা ধাৰ্য্য কৰাৰ উপৰিও অনুসূচিত জনজাতিৰ বাবে ৫৩,৭০০ কোটি টকা ধাৰ্য্য কৰা হৈছে।
Trending
- মন্ত্ৰী জয়ন্ত মল্লবৰুৱাৰ উপস্থিতিত স্বাক্ষৰিত হয় এইমএছ গুৱাহাটী আৰু নলবাৰী চিকিৎসা মহাবিদ্যালয় আৰু চিকিৎসালয়ৰ মাজত এক বুজাবুজি চুক্তি
- আজিৰে পৰা ১৩৩ সংখ্যক ইণ্ডিয়ান অইল ডুৰাণ্ড কাপ ফুটবল
- অমৃত বৃক্ষ আন্দোলনৰ অধীনত মৰিগাঁও জিলাত ৭ লাখ গছপুলি ৰোপণৰ লক্ষ্য
- তামুলপুৰত স্বাধীনতা দিৱসৰ প্ৰস্তুতি সম্পৰ্কীয় সভা
- গুৱাহাটী জল ব’ৰ্ডৰ কাম-কাজৰ বিস্তৃত পৰ্যালোচনাৰ অন্তত মন্ত্ৰী অশোক সিংহলৰ ঘোষণা
- গোৱালপাৰাৰ সদ্যপ্ৰয়াত ব্যৱসায়ী অশোক গোৱেলৰ বাসগৃহত উপস্থিত হৈ শোকাৰ্ত পৰিয়ালবৰ্গক সাক্ষাৎ মন্ত্ৰী অশোক সিংহলৰ
- আকাশবাণী নগাঁও কেন্দ্ৰৰ ৰাষ্ট্ৰীয় সম্প্ৰচাৰ দিন উদযাপন
- গুৱাহাটীত সাংবাদিকৰে মননশীল আলোচনাত অৰ্গেনাইজাৰ” পত্ৰিকাৰ মুখ্য সম্পাদক প্ৰফুল্ল কেতকাৰ
- পৌৰ প্ৰশাসনৰ সংস্কাৰ, উদ্যান আৰু বজাৰগৃহ নিৰ্মাণ, স্বচ্চ ভাৰত অভিযান আদি বিভিন্ন বিষয়ত জনতা ভৱনত মন্ত্ৰী অশোক সিংহলৰ কেইবাখনো গুৰুত্বপূৰ্ণ বৈঠক
- অসম জাতীয়তাবাদী যুৱ ছাত্ৰ পৰিষদৰ ৰামপুৰ আঞ্চলিক সমিতি গঠন