বিগত বহু বছৰ ধৰি গুৱাহাটী মহানগৰীৰ সমীপৱৰ্তী পশ্চিম গুৱাহাটীৰ ৰাণীত “ৰাণী কোচিং চেণ্টাৰে” ক্ৰীড়াৰ এক বাতাৱৰণ সৃষ্টি কৰিবলৈ সক্ষম হৈছে । বৃহত্তৰ অঞ্চলটোৰ যুৱক-যুৱতীক ক্ৰীড়াৰ জৰিয়তে মানৱ সম্পদ গঢ়াৰ পৰিকল্পনাৰে এই কোচিং চেণ্টাৰে অনৱদ্য ভুমিকা গ্ৰহণ কৰি আহিছে । বহু প্ৰশিক্ষাৰ্থীয়ে আনকি এই ক্ৰীড়া প্ৰশিক্ষণ কেন্দ্ৰত প্ৰশিক্ষণ লৈ ৰাষ্ট্ৰীয়- আন্তৰাষ্ট্ৰীয় পৰ্যায়ত বিভিন্ন খেলত পদক বুটলি সুনাম কঢ়িয়াই আনিবলৈ সক্ষম হৈছে । আজি পুনৰ এই ৰাণী কোচিং চেণ্টাৰে অঞ্চলটোৰ ৰাজাপানীচন্দাত প্ৰশিক্ষণ কেন্দ্ৰ এটা মুকলি কৰে । অঞ্চলটোৰ সমাজসেৱক তথা অগপ নেতা ৰবীন দৈমাৰীয়ে মুকলি কৰে এই কেন্দ্ৰটি । দৈমাৰীৰ লগতে আন্তঃৰাষ্ট্ৰীয় সমৰ কলা খেলুৱৈ মনোজ কুমাৰ দাস , সুদক্ষ প্ৰাক্তন ব্লেক বেল্ট খেলুৱৈ তথা কোচিং চেণ্টাৰটোৰ সক্ৰীয় বিষয়ববীয়া ভাইটি বড়ো , বসন্ত বৰুৱা , সাংবাদিক ধৰ্মেন্দ্ৰ দাসৰ লগতে অৰ্ধশতাধিক প্ৰশিক্ষাৰ্থী উপস্থিত থাকে । প্ৰতি সপ্তাহৰ শুক্ৰবাৰ , দেওবাৰ আৰু মংগলবাৰে আৱেলী ৩ বজাৰ পৰা ৫ বজালৈ বিশেষকৈ কিক বক্সিং , থাই বক্সিং , কাৰাটে , উশ্বু , আদি খেলৰ অৰ্হতা সম্পন্ন প্ৰশিক্ষকৰ দ্বাৰা প্ৰশিক্ষণ দিয়া হ’ব বুলি ভাইতি বড়োৱে জানিবলৈ দিয়ে ।
Trending
- কামৰূপ (ম)ৰ প’লিং বিষয়া আৰু ই ভি এমৰ দ্বিতীয় পৰ্যায়ৰ ৰেণ্ডমাইজেশ্বন সম্পন্ন
- জৱাহৰ নবোদয় বিদ্যালয়ত কুইজিন-দ্য ব্ৰেইন বুফে
- ঘিলামৰাত ৬৫ সংখ্যক কেন্দ্ৰীয় ৰঙালী বিহু শুভাৰম্ভ
- পৰ্যবেক্ষক, প্ৰাৰ্থী-প্ৰতিনিধিৰ সৈতে কামৰূপ মহানগৰ জিলা নিৰ্বাচন বিষয়াৰ গুৰুত্বপূৰ্ণ সভা
- মিচিং জাতীয় সংগঠনৰ বিশ্ব ধৰিত্ৰী দিৱস পালন
- বৰুৱাৰ সংসাৰ প্ৰদৰ্শিত হ’ব ভাৰতীয় চলচ্চিত্ৰ মহোৎসৱত
- এয়াৰটেলৰ ৰোমিং পেক উন্মোচন
- কাছাৰত অ গ পৰ সভাপতি নির্বাচনী প্ৰচাৰ
- ধৰিত্ৰী দিৱস আৰু প্ৰকৃতিপ্ৰেমী মঞ্চৰ প্ৰতিষ্ঠা দিৱস উপলক্ষে হাতীৰ খাদ্য উদ্ভিদ ৰোপন কাৰ্যসূচী
- পলাশবাৰীত সাহিত্য সংস্কৃতি বিকাশ গোষ্ঠী “কামৰূপৰ সাধাৰণ সভা