সদৌ অসম চুতীয়া ছাত্ৰ সন্থাৰ প্ৰচেষ্টাত, চুতীয়া উন্নয়ন পৰিষদ অসমৰ প্ৰযোজনাত আৰু বিশ্বজিৎ বৰাৰ পৰিচালনাত আহিব লগীয়া চলচ্চিত্ৰ;”বীৰাঙ্গনা সাধনী “ৰ মুখ্য চৰিত্ৰৰ অভিনেতা অভিনেত্ৰীৰ দ্বিতীয় অডিচন যোৱা দেওবাৰে ডিব্ৰুগড় কানৈ মহাবিদ্যালয়ৰ শংকৰদেৱ সভাকক্ষত অনুষ্ঠিত হৈ যায় । উক্ত বাছনি অনুষ্ঠানত অংশগ্ৰহণ কৰা অভিনেতা অভিনেত্ৰী সমূহৰ মাজত যথেষ্ট উৎসাহ আৰু সহাঁৰি পৰিলক্ষিত হয়। উল্লেখ্য যে এই চলচ্চিত্ৰখনত সংগীত পৰিচালনা কৰিব বিশিষ্ট সংগীত পৰিচালক, কন্ঠশিল্পী অংগৰাগ পাপন মহন্তই । বীৰাঙ্গনা সাধনী হ’ব অংগৰাগ পাপন মহন্তই সংগীত পৰিচালনা কৰা প্ৰথম খন চলচ্চিত্ৰ ।বলিউডৰ প্ৰখ্যাত চাউণ্ড ডিজাইনাৰ অৰুণ নাম্বিয়াৰয়ে চলচ্চিত্ৰ খনৰ চাউণ্ড ডিজাইন কৰিব ।তেখেতে “ৰণঝানা, শুভ মঙ্গল সৱধান, অত্ৰাংগী ৰে, “ৰক্ষ বন্ধন”পতি পত্নী ঔৰ ৱহ কে ধৰি কেইবাখনো চলচ্চিত্ৰৰ চাউণ্ড ডিজাইনাৰ আছিল । বিখ্যাত Prime Focus VFX studio ত প্ৰায় ত্ৰিশ বছৰ অভিজ্ঞতা পুষ্ট চিনেজেন্স মিডিয়া প্ৰাইভেট লিমিটেডৰ (Cinegence Media pvt Ltd) স্বতাধিকাৰী ষ্টিফেন মাস্কাৰেনহাছে চলচ্চিত্ৰ খনৰ ভিএফএক্স (VFX) ৰ কাম কৰিব। বিখ্যাত চলচ্চিত্ৰ ‘বাহুবলী’ৰ ভিএফএক্স কনচেপ্ট ডিজাইনাৰ মৌলিয়ে (VFX Concept Designer) বীৰাঙ্গনা সাধনী চলচ্চিত্ৰৰ ভিএফএক্স কনচেপ্ট ডিজাইনাৰ কৰিব । বলিউডৰ বিখ্যাত প্ৰমো এডিটৰ (Promo Editor) হাৰ্দিক সিং ৰিনে চলচ্চিত্ৰ খনৰ প্ৰমো এডিট (Promo Edit) কৰিব।৬ কোটি টকা বাজেটেৰে নিৰ্মাণ হ’ব লগা বীৰাঙ্গনা সাধনী চলচ্চিত্ৰখনৰ সন্দৰ্ভত সদৌ অসম চুতীয়া ছাত্ৰ সন্থা ডিব্ৰুগড় জিলা সমিতিৰ সভাপতি জিতু শইকীয়াই সকলো সদৰী কয় যে এই চলচ্চিত্ৰ হ’ব অসমৰ আটাইতকৈ বেছি ব্যয়বহুল চলচ্চিত্ৰ।
Trending
- এয়াৰটেলে তীব্ৰতৰ বাউজিং গ্ৰাহকক প্ৰদান কৰিছে
- গুৱাহাটী কবি কিশোৰ কুমাৰ জৈনৰ দুখনকৈ কাব্যগ্ৰন্থ উন্মোচন
- তামুলপুৰত অসম প্ৰত্যক্ষ নিযুক্তি পৰীক্ষা সম্পৰ্কীয় প্ৰশিক্ষণ
- এণ্ড্ৰিউ ইউল এণ্ড কোম্পানীৰ অধীনস্থ চাহ বাগিচাৰ অচল অৱস্থা দূৰীকৰণৰ বাবে ৰাজ্য চৰকাৰৰ প্ৰচেষ্টা
- Teachers’ Day Celebration in Chirang District Highlights Educational Advancements and Achievements
- ই পি মিডিয়া ফ’ৰাম চাউথ কামৰূপৰ প্ৰতষ্ঠা দিৱস উদযাপন
- এইচডিএফচি বেংকে গ্ৰাহক অভিজ্ঞতা উন্নত কৰিবলৈ নতুন বৈশিষ্ট্যৰে ইউপি আই আৰু চি বি ডি চি উন্মোচন কৰে
- 31st Annual General Meeting of Numaligarh Refinery Limited held
- পবাক বন্যপ্ৰাণী অভয়াৰণ্যৰূপে গঢ়ি তোলা হ’ব – বিধানসভাত মন্ত্ৰী চন্দ্ৰমোহন পাটোৱাৰী
- ৰাষ্ট্ৰীয় পেলু নিৰ্মূলকৰণ দিৱসৰ শুভাৰম্ভ