এয়া ডিজিটেল যুগ। যুগৰ সৈতে মিলি এতিয়া সংবাদ মাধ্যমো ক্ৰমাৎ ডিজিটেল হৈ পৰিছে। দেশৰ অন্যান্য প্ৰান্তৰ লগতে অসমতো গঢ় লৈ উঠিছে ইটোৰ পিছত আনটো ডিজিটেল সংবাদ প্ৰতিষ্ঠান। বাতৰি কাকত আৰু টিভি চেনেলসমূহেও ডিজিটেল মিডিয়াৰ ক্ষেত্ৰখনত ভৰি থৈছে। এনে পৰিপ্ৰেক্ষিতত ৰাজ্যখনৰ ডিজিটেল মিডিয়াৰ সৈতে জড়িত সাংবাদিক আৰু সংবাদকৰ্মীসকলৰ সুৰক্ষাৰ বাবে যোৱা ১৫ ফেব্ৰুৱাৰীত গঠন কৰা হৈছিল ডিজিটেল মিডিয়া জাৰ্নেলিষ্ট ফ’ৰাম, অসম। গঠনৰ পিছৰে পৰা বিভিন্ন কাৰ্যসূচী হাতত লৈ অহা ফ’ৰামে এইবাৰ অসমৰ চুকে-কোণে থকা ডিজিটেল মিডিয়াৰ সৈতে জড়িত সাংবাদিক আৰু সংবাদকৰ্মীসকলৰ অভাৱ-অভিযোগৰ বুজ ল’বলৈ এখন বিশেষ সাধাৰণ সভাৰ আয়োজন কৰিছে। অহা ১০ আগষ্ট, বুধবাৰে গুৱাহাটী প্ৰেছ ক্লাৱত দিনৰ ১১ বজাত অনুষ্ঠিত হবলগীয়া এই সভাত ৰাজ্যখনৰ ডিজিটেল মিডিয়াৰ সৈতে জড়িত প্ৰতিগৰাকী সাংবাদিক আৰু সংবাদকৰ্মীৰ উপস্থিতি কামনা কৰিছে ফ’ৰামৰ সভাপতি বেদব্ৰত বৰা আৰু সাধাৰণ সম্পাদক নৱজ্যোতি কলিতাই। সভাত কেন্দ্ৰ চৰকাৰৰ প্ৰস্তাৱিত নতুন ডিজিটেল মিডিয়া আইনৰ লগতে ডিজিটেল মিডিয়াৰ সাংবাদিকসকলে সততে সন্মুখীন হৈ অহা প্ৰত্যাহ্বান তথা আন একাধিক গুৰুত্বপূৰ্ণ বিষয় সম্পৰ্কে আলোচনা কৰা হ’ব বুলি জানিবলৈ দিছে আয়োজকসকলে।
Trending
- জৱাহৰ নবোদয় বিদ্যালয়ত কুইজিন-দ্য ব্ৰেইন বুফে
- ঘিলামৰাত ৬৫ সংখ্যক কেন্দ্ৰীয় ৰঙালী বিহু শুভাৰম্ভ
- পৰ্যবেক্ষক, প্ৰাৰ্থী-প্ৰতিনিধিৰ সৈতে কামৰূপ মহানগৰ জিলা নিৰ্বাচন বিষয়াৰ গুৰুত্বপূৰ্ণ সভা
- মিচিং জাতীয় সংগঠনৰ বিশ্ব ধৰিত্ৰী দিৱস পালন
- বৰুৱাৰ সংসাৰ প্ৰদৰ্শিত হ’ব ভাৰতীয় চলচ্চিত্ৰ মহোৎসৱত
- এয়াৰটেলৰ ৰোমিং পেক উন্মোচন
- কাছাৰত অ গ পৰ সভাপতি নির্বাচনী প্ৰচাৰ
- ধৰিত্ৰী দিৱস আৰু প্ৰকৃতিপ্ৰেমী মঞ্চৰ প্ৰতিষ্ঠা দিৱস উপলক্ষে হাতীৰ খাদ্য উদ্ভিদ ৰোপন কাৰ্যসূচী
- পলাশবাৰীত সাহিত্য সংস্কৃতি বিকাশ গোষ্ঠী “কামৰূপৰ সাধাৰণ সভা
- মুম্বাইত গগনাৰ ৰঙালী বিহু উদযাপন