বি টি আৰ বিজয়োৎসৱ।যোৱা ২৭ জানুৱাৰীত সম্পাদিত হোৱা তৃতীয় বড়ো শান্তি চুক্তিৰ পৰিপ্ৰেক্ষিতত এই বিজয় উৎসৱ অনুষ্ঠিত কৰা হৈছে।কোকৰাঝাৰৰ জাংখ্ৰৃথাই খেলপথাৰত অনুষ্ঠিত বড়ো শান্তি চুক্তি উদযাপন অনুষ্ঠানত ভাগ লৈ প্ৰধানমন্ত্ৰী নৰেন্দ্ৰ মোডীয়ে সম্বোধন কৰি কয় যে স্বাধীনতাৰ পাছত পাছত মই সৰ্ববৃহৎ সমাৱেশ দেখিলো।এই বড়ো শান্তি চুক্তিৰে এক নতুন দিগন্তৰ সূচনা হৈছে।এতিয়াৰে পৰা এই ভূমিত কোনো হিংসা নহয়।উত্তৰ পূৰ্বাঞ্চলত শান্তিৰ নতুন ধাৰা ঘূৰাই অনাটো এক ঐতিহাসিক ক্ষণ।এই চুক্তি অনুসৰি বি টি আৰৰ অধীনলৈ আহিব লগা অঞ্চলসমূহ নিৰ্ণয়ৰ বাবে সমিতি গঠন কৰা হ’ব।যাৰ জৰিয়তে অধিকাৰ,সংৰক্ষণ সকলো সুৰক্ষিত কৰাৰ ব্যৱস্থা কৰা হ’ব।অসম চুক্তিৰ ৬ নং দফা কাৰ্যকৰী কৰাৰ বাবে কেন্দ্রীয় চৰকাৰে তৰিৎ গতিৰে কাম কৰিব।এই মন্তব্য প্ৰধানমন্ত্ৰী নৰেন্দ্ৰ মোডীৰ।উল্লেখ্য যে প্ৰধানমন্ত্ৰী গৰাকীয়ে ভাষণৰ মাজতে বড়ো ভাষা কৈ আৰনাই আৰু দখনাৰ কথাও উল্লেখ কৰে।গোলাঘাটত অনুষ্ঠিত শ্ৰীমন্ত শংকৰদেৱ সংঘৰ অধিবেশন প্ৰসঙ্গত অসমীয়া ভাষাতে গভীৰ প্ৰণিপাত জনাই অধিবেশন সফল হোৱাৰ কামনা কৰে মোডীয়ে।কা’ৰ সন্দৰ্ভত তেখেতে কয় কা’ৰ জৰিয়তে কোনো বিদেশী ভাৰতলৈ নাহে।কা’ক লৈ অসমবাসী শংকিত হোৱাৰ প্ৰয়োজন নাই।উল্লেখযোগ্য যে প্ৰধানমন্ত্ৰী গৰাকীয়ে অসম ৰত্ন ড০ ভূপেন হাজৰিকাক স্মৰণ কৰি এনেদৰে কয় ভূপেন হাজৰিকাৰে মোৰ অভিন্ন সম্পর্ক আছে,ভূপেন হাজৰিকা গুজৰাটৰ জোঁৱাই।লগতে তেওঁ কয় মা কামাখ্যাৰ আশীৰ্বাদে আমাক বিকাশৰ শীৰ্ষলৈ লৈ যাব।সকলো বিদ্ৰোহী সংগঠনকে মূল সূতিলৈ ঘূৰি অহাৰ আহ্বান জনাই মহাত্মা গান্ধী অমৰ ৰহে ধব্বনিৰে প্ৰধানমন্ত্ৰী গৰাকীয়ে ভাষণ সামৰে।এই বিজয় উৎসৱত ৰাজ্যপাল জগদীশ মুখী,মুখ্যমন্ত্রী সৰ্বানন্দ সোণোৱাল,বিত্ত মন্ত্রী ড০ হিমন্ত বিশ্ব শৰ্মা,বি টি চি প্রধান হাগ্ৰামা মহিলাৰী,এবছুৰ সভাপতি প্ৰমোদ বড়োকে ধৰি বিভিন্ন দল সংগঠনৰ নেতা উপস্থিত থাকে।এই অনুষ্ঠানত শতাধিক বড়ো যুৱতীয়ে বাগৰুম্বা নৃত্যৰে প্ৰধানমন্ত্ৰী নৰেন্দ্ৰ মোডীক স্বাগতম জনায়।
Trending
- পান্ডু মহাবিদ্যালয়ত গুৱাহাটীৰ নগৰীয়া বানপানীৰ সমস্যা সমাধান বিষয়ক সপ্তাহজোৰা কৰ্মশালাৰ সামৰণি
- কেন্দ্রীয় চৰকাৰৰ গ্ৰামোন্নয়নৰ বিভাগৰ প্ৰতিনিধিৰ মৰিগাঁও জিলা ভ্ৰমণ, প্ৰধানমন্ত্ৰী আৱাস যোজনাৰ গৃহ পৰিদৰ্শন
- মহাপুৰুষ শ্ৰীমন্ত শংকৰদেৱ বিশ্ববিদ্যালয়ত বজ্ৰপাত ধৰা পেলোৱা যন্ত্ৰ প্ৰতিষ্ঠাপন
- ৰত্না দত্ত সোঁৱৰণী অনুষ্ঠানত উপন্যাস “দ্বিতীয়া” উন্মোচন
- বন্যহস্তীৰ দেহত ৰেডিঅ’ ক’লাৰ স্থাপন
- চৰাইদেউ মৈদাম বিশ্ব ঐতিহ্য ক্ষেত্ৰত বিশ্ব ঐতিহ্য সপ্তাহৰ উদ্বোধনী অনুষ্ঠান
- বেলতলা বহাগী উৎসৱ উদযাপন সমিতিৰ ঘোষণা-২০২৫ বৰ্ষৰ বাবে জুবিন গাৰ্গলৈ ড০ ভূপেন হাজৰিকা বঁটা
- বৃহত্তৰ ৰাণী অঞ্চলত হাতীৰ উপদ্ৰবৰ মাজতে আঘোনৰ পথাৰত সোণগুটি চপোৱাত ব্যস্ত চহা কৃষক
- গুৱাহাটী বিশ্ববিদ্যালয়ত এন এছ এছৰ পূৱ মাণ্ডলৰ প্ৰাক গণৰাজ্য দিৱস পেৰেড শিবিৰৰ সামৰণি
- আপকুৰ ৰাষ্ট্ৰীয় প্ৰেছ দিৱস উদযাপন-ৰাজ্যৰ দুগৰাকী জ্যেষ্ঠ সাংবাদিকক সম্বৰ্ধনা