আমাৰ শিশু ছাত্ৰ-ছাত্ৰীৰ মাজত বন্ধুত্ব-সহৃদয়তাৰ মাধ্যমেৰে গঢ়ি তুলিব লাগিব শিক্ষাৰ ন ন পৰিৱেশ। ওচৰা-ওচৰিকৈ থকা বিদ্যালয় সমূহৰ মাজত আমি এই পৰিৱেশ সৃষ্টি কৰিবলৈ আগবাঢ়িব লাগিব। তেতিয়াহে ছাত্ৰ-ছাত্ৰীৰ পৰস্পৰৰ মাজত শিক্ষাৰ প্ৰকৃত মূল্যায়ন সম্ভৱ হৈ উঠিব। কামৰূপ জিলাৰ ৰামপুৰ শিক্ষাখণ্ডৰ অন্তৰ্গত ৰামপুৰৰ পাঁচখনকৈ প্ৰাথমিক বিদ্যালয়ৰ মাজত প্ৰথমবাৰৰ বাবে আয়োজন কৰা “বন্ধু বিদ্যালয় আঁচনিৰ ক্ৰিয়া কলাপৰ আজি উদ্বোধনী অনুষ্ঠানৰ বঁটা বিতৰণীৰ ভাষণ প্ৰসঙ্গত ৰামপুৰ শিক্ষাখণ্ডৰ সমল ব্যক্তি তৃপ্তিময়ী তালুকদাৰে এই মন্তব্য কৰে। তালুকদাৰে কন কন ছাত্ৰ-ছাত্ৰীৰ প্ৰতিভা বিকাশত এই কাৰ্যসূচীয়ে এক ইতিবাচক বাৰ্তা কঢ়িয়াই আনিব বুলি মন্তব্য কৰে। ৰামপুৰ শিক্ষাখণ্ডৰ অন্তৰ্গত খিদিৰপুখুৰী কৈৱৰ্তপাৰা প্ৰাথমিক বিদ্যালয়, ৰামপুৰ শিশু প্ৰাথমিক বিদ্যালয়, ৰামপুৰ বালিকা প্ৰাথমিক বিদ্যালয়, জানকী চৌধুৰী প্ৰাথমিক বিদ্যালয় আৰু ৰামপুৰ বালিয়াপাৰা প্ৰাথমিক বিদ্যালয়ৰ মাজত প্ৰথমবাৰৰ বাবে আয়োজন কৰা এই আঁচনিৰ কাৰ্যসূচী এটা শোভাযাত্ৰাৰে শুভ-উদ্বোধন কৰে দক্ষিণ কামৰূপৰ জ্যেষ্ঠ সাংবাদিক বিমল শৰ্মাই। উদ্বোধনী ভাষনত সাংবাদিক শৰ্মাই প্ৰাথমিক বিদ্যালয়ৰ ছাত্ৰ-ছাত্ৰীৰ মাজত শৈক্ষিক-সাংস্কৃতিক-ক্ৰীড়াৰ এক সমন্বয় অনাত আঁচনিখনে যথেষ্ট সহায় কৰিব পাৰিব বুলি মন্তব্য কৰে। পাঁচখনকৈ প্ৰাথমিক বিদ্যালয়ৰ দ্বি-শতাধিক ছাত্ৰ-ছাত্ৰীয়ে ভাগ লোৱা এই কাৰ্যসূচীত আন এগৰাকী খণ্ড সমল ব্যক্তি জেপুলিন দাস, কেন্দ্ৰ সমন্বয়ক কল্পনা মেধি, খিদিৰপুখুৰী কৈৱৰ্তপাৰা প্ৰাথমিক বিদ্যালয়ৰ প্ৰধান শিক্ষক মৃগেন্দ্ৰ কলিতা, ৰামপুৰ শিশু প্ৰাথমিক বিদ্যালয়ৰ প্ৰধান শিক্ষয়িত্ৰী ৰূপালী কলিতা দাস, বালিকা প্ৰাথমিক বিদ্যালয়ৰ প্ৰধান শিক্ষয়িত্ৰী নৱনীতা ৰাজবংশী, জানকী চৌধুৰী প্ৰাথমিক বিদ্যালয়ৰ প্ৰধান শিক্ষয়িত্ৰী শেৱালি চৌধুৰী কলিতা, বালিয়াপাৰা প্ৰাথমিক বিদ্যালয়ৰ প্ৰধান শিক্ষক হেমেন চন্দ্ৰ কলিতাকে ধৰি বহুসংখ্যক শিক্ষক-শিক্ষয়িত্ৰী, পৰিচালনা সমিতিৰ বিষয়ববীয়াসকল, অভিভাৱকসকলৰ একাংশ আৰু স্থানীয় ৰাইজ উপস্থিত আছিল। খিদিৰপুখুৰী কৈৱৰ্তপাৰা প্ৰাথমিক বিদ্যালয়ৰপৰা উলিওৱা শোভাযাত্ৰাটোৰ অন্তত প্ৰসিদ্ধ আৰ্দ্ৰভূমি দৰাবিলৰ বাকৰিত ছাত্ৰ-ছাত্ৰীৰ মাজত পৃথকে পৃথকে দৌৰ খেল অনুষ্ঠিত কৰে। খেলৰ অন্তত বীজয়ী প্ৰতিযোগী সকলক বঁটা প্ৰদান কৰা হয়।
Trending
- কামৰূপ মহানগৰত নিৰ্বাচনী প্ৰস্তুতি চূড়ান্ত পৰ্যায়ত-জিলা নিৰ্বাচন বিষয়াৰ বিশেষ পৰ্যালোচনা সভা
- Medical conference by Indian Army on high altitude illness
- চাৰি সহস্ৰাধিকৰ উপস্থিতিত গুৱাহাটীত যুৱ মৰ্চাৰ যুৱ সমাৰোহ
- পৰাগজ্যোতি প্ৰকাশনৰ প্ৰশংসনীয় পদক্ষেপ প্ৰসিদ্ধ ভাষাবিদ, সাহিত্যিক,গৱেষক ড০ নাৰায়ণ দাসক সম্বৰ্দ্ধনা
- এয়াৰটেল ফাউণ্ডেচনে স্কুল এক্সেলেন্স প্ৰগ্ৰেমৰ অধীনত ১১০০ৰো অধিক চৰকাৰী বিদ্যালয়ৰ শিক্ষক আৰু প্রধান শিক্ষকৰ সক্ষমতা কাৰ্য্যসূচী ৰূপায়ন
- কটন বিশ্ববিদ্যালয়ত সবল গণতন্ত্ৰৰ হকে ভোটদানৰ বাবে সজাগতা অনুষ্ঠান
- ধুবুৰী জিলাত মুখ্য নিৰ্বাচনী বিষয়া উপস্থিত
- দীনজ্যোতি ফাউণ্ডেশ্যনৰ উদ্যোগত শ্ৰমিক দিৱস উদযাপন
- পাটাছাৰকুছি প্ৰেছ ক্লাৱৰ প্ৰতিষ্ঠা দিৱস উদযাপন
- শ্ৰমিক দিৱসত ব্যতিক্ৰমী কৰ্মেৰে উদ্ভাসিত ঢকুৱাখনাৰ পাপু দত্ত