গুৱাহাটীৰ পশ্চিম প্ৰান্তৰ আজাৰা কাহিকুছিস্থিত কৃষি বিজ্ঞান কেন্দ্ৰ কামৰূপৰ উদ্যোগত আৰু কৃষি ভিত্তিক সংগঠন ‘দৃষ্টি স্বাৱলম্বন কেন্দ্ৰৰ সহযোগত ২০ নৱেম্বৰৰ পৰা ২৫ নৱেম্বৰলৈ থলুৱা ফল-মূল আৰু শাক-পাচলিৰ মূল্য সংযোজন আৰু সংৰক্ষণ বিষয়ক এক পাঁচদিনীয়া প্ৰশিক্ষণ শিবিৰ অনুষ্ঠিত হৈ যায় । শিবিৰত বিভিন্ন প্ৰান্তৰ ২১ জনী উদ্যমী মহিলাই ভাগ লয় । আনহাতে কৃষি বিজ্ঞান কেন্দ্র চৌহদত কেন্দ্ৰৰ প্ৰকল্প সহায়ক মধুস্মিতা ডেকাৰ তত্বাৱধানত অনুষ্ঠিত শিবিৰত মহিলা সকলক ৰাজ্যৰ সকলোতে উপলব্ধ থলুৱা , কিন্তু বিভিন্ন ওষধি গুণ সম্পন্ন মানৱ দেহৰ উপকাৰী থলুৱা ফল-মূল , শাক-পাচলিৰ উপযুক্ত মূল্য নিৰ্ধাৰণ কৰা আৰু তাক বৈজ্ঞানিক পদ্ধতিৰে সংৰক্ষণ কৰি লাভবান হ’ব পাৰি তাৰ প্ৰশিক্ষণ প্ৰদান কৰা হয় । সামৰণি অনুষ্ঠানত মুখ্য অতিথি হিচাপে ভাগ লৈ কৃষি বিজ্ঞান কেন্দ্ৰৰ মুৰব্বী ডঃ ধীৰেন্দ্ৰনাথ কলিতাই শিবিৰত লাভ কৰা অভিজ্ঞতাৰে মহিলা সকল যাতে স্বাৱলম্বী হ’ব পাৰে তাৰ কামনা কৰে । তেনেদৰে বিশিষ্ট অতিথি হিচাপে ভাগ লৈ দৃষ্টি স্বাৱলম্বন কেন্দ্ৰৰ কুশল মালাকাৰে পৰিৱৰ্তিত পৰিস্থিতিত আত্মনিৰ্ভৰ অসম ধাৰণাৰে আগবাঢ়ি যাবলৈ মহিলা সকলক আহ্বান জনায় ।
Trending
- ঢকুৱাখনা চৰকাৰী উচ্চ মাধ্যমিক বিদ্যালয়ৰ শ্ৰেণীকোঠা উদ্বোধন
- দ্বিতীয় পৰ্যায়ৰ ভোটগ্ৰহণৰ বাবে মুছলপুৰত নিৰ্বাচনী সামগ্ৰী বিতৰণ
- কামৰূপ (ম)ৰ প’লিং বিষয়া আৰু ই ভি এমৰ দ্বিতীয় পৰ্যায়ৰ ৰেণ্ডমাইজেশ্বন সম্পন্ন
- জৱাহৰ নবোদয় বিদ্যালয়ত কুইজিন-দ্য ব্ৰেইন বুফে
- ঘিলামৰাত ৬৫ সংখ্যক কেন্দ্ৰীয় ৰঙালী বিহু শুভাৰম্ভ
- পৰ্যবেক্ষক, প্ৰাৰ্থী-প্ৰতিনিধিৰ সৈতে কামৰূপ মহানগৰ জিলা নিৰ্বাচন বিষয়াৰ গুৰুত্বপূৰ্ণ সভা
- মিচিং জাতীয় সংগঠনৰ বিশ্ব ধৰিত্ৰী দিৱস পালন
- বৰুৱাৰ সংসাৰ প্ৰদৰ্শিত হ’ব ভাৰতীয় চলচ্চিত্ৰ মহোৎসৱত
- এয়াৰটেলৰ ৰোমিং পেক উন্মোচন
- কাছাৰত অ গ পৰ সভাপতি নির্বাচনী প্ৰচাৰ