কামৰূপ জিলাৰ গুৱাহাটী কৃষি মহকুমাৰ কৃষি বিষয়া নৱজ্যোতি জগন্নাথ আৰু সন্দিপ ভূঞাই পলাশবাৰীৰ ৰামপুৰ কৃষি চক্ৰ এলেকাত পি এম কৃষি আচনিৰ অধীনত চৰকাৰে কৃষকক দি অহা সা সুবিধাসমূহ কিদৰে লাভ কৰিছে সেই সন্দৰ্ভত যোৱা ১০ নৱেম্বৰত চক্ৰৰ বিভিন্ন ঠাই ভ্ৰমণ কৰি ভালেসংখ্যক কৃষকৰ সতে আলোচনাত মিলিত হৈ বুজ লয়। কামৰূপ জিলা পৰ্যায়ত অনুমোদিত হিতাধিকাৰীসকলৰ মাজত ইতিমধ্যেই ৰবি শস্য সৰিয়হ, মাকৈ আৰু মটৰৰ বীজ বিতৰণ কৰিছে। ৰামপুৰৰ কৃষি উন্নয়ন বিষয়া গিৰীন্দ্ৰ কুমাৰ শৰ্মা আৰু কৃষি উন্নয়ন সহায়ক লংকেশ্বৰ কলিতাকে ধৰি কেবাগৰাকীও বিষয়া আৰু গাওবুঢ়া, ৱাৰ্ড সদস্য আদিক লগত লৈ ঠাইসমূহ পৰিভ্ৰমণ কৰে। চুলিকটা গাৱৰ কৃষক মণ্টু দাসৰ পথাৰত উপস্থিত হৈ পৰীক্ষামূলকভাৱে শালিধান কটা অনুষ্ঠানতো কৃষি বিষয়াসকলে ভাগ লয়। তাৰ পিছত জেজাৰবড়ী গাৱত উপস্থিত হৈ কৃষকসকলে আয়োজন কৰা সৰিয়হ আৰু মটৰৰ বীজ চটিওৱা কাৰ্যসূচীতো অংশগ্ৰহণ কৰে। আনহাতে এইবেলি ধানখেতি কৰা কৃষকে যাতে উৎপাদিত ধান সঠিক মূল্যক বিক্ৰী কৰিব পাৰে তাৰ বাবে মহকুমা বিষয়াগৰাকীয়ে গিৰীন্দ্ৰ শৰ্মাৰ সৈতে কৃষকসকলক যোগাযোগ কৰিবলৈ আহ্বান জনায়।
Trending
- ঢকুৱাখনা চৰকাৰী উচ্চ মাধ্যমিক বিদ্যালয়ৰ শ্ৰেণীকোঠা উদ্বোধন
- দ্বিতীয় পৰ্যায়ৰ ভোটগ্ৰহণৰ বাবে মুছলপুৰত নিৰ্বাচনী সামগ্ৰী বিতৰণ
- কামৰূপ (ম)ৰ প’লিং বিষয়া আৰু ই ভি এমৰ দ্বিতীয় পৰ্যায়ৰ ৰেণ্ডমাইজেশ্বন সম্পন্ন
- জৱাহৰ নবোদয় বিদ্যালয়ত কুইজিন-দ্য ব্ৰেইন বুফে
- ঘিলামৰাত ৬৫ সংখ্যক কেন্দ্ৰীয় ৰঙালী বিহু শুভাৰম্ভ
- পৰ্যবেক্ষক, প্ৰাৰ্থী-প্ৰতিনিধিৰ সৈতে কামৰূপ মহানগৰ জিলা নিৰ্বাচন বিষয়াৰ গুৰুত্বপূৰ্ণ সভা
- মিচিং জাতীয় সংগঠনৰ বিশ্ব ধৰিত্ৰী দিৱস পালন
- বৰুৱাৰ সংসাৰ প্ৰদৰ্শিত হ’ব ভাৰতীয় চলচ্চিত্ৰ মহোৎসৱত
- এয়াৰটেলৰ ৰোমিং পেক উন্মোচন
- কাছাৰত অ গ পৰ সভাপতি নির্বাচনী প্ৰচাৰ