ঢকুৱাখনা মহকুমাৰ শৈক্ষিক ইতিহাসৰ সমুজ্জ্বল চানেকি স্বৰূপ ১৮৭২ চনতে ঢকুৱাখনা সদৰত স্থাপিত ঢকুৱাখনা চৰকাৰী মজলীয়া বিদ্যালয়খনৰ গৌৰৱোজ্জ্বল ডেৰশ বছৰত উপনীত হোৱাৰ সময় সমাগত। অহা ২০২২ বৰ্ষত শিক্ষানুষ্ঠানখন প্ৰতিষ্ঠাৰ ডেৰশ বছৰত ভৰি দিয়াৰ প্ৰাকক্ষণত সোণসেৰীয়া অতীতৰ বৰ্ষ জোৰা ৰোমন্থনৰ লক্ষ্যৰে অলপতে এখন ৰাজহুৱা সভা অনুষ্ঠিত হৈ যায় । গৰিষ্ঠ সংখ্যক নাগৰিক , প্ৰাক্তন ছাত্ৰ , অভিভাৱক আৰু শুভাকাংক্ষীৰ উপস্থিতিত বিদ্যালয়ৰ প্ৰাংগনত অনুষ্ঠিত ৰাজহুৱা সভাত সভাপতিত্ব কৰে আহ্বায়ক সমিতিৰ সভাপতি পূৰ্ণানন্দ গগৈয়ে। বিদ্যালয়ৰ প্ৰধান শিক্ষয়িত্ৰী পদ্মাৱতী কোচে উদ্দেশ্য ব্যাখ্যা কৰা সভাত শিক্ষানুৰাগী ৰাইজে ৰাজ্য চৰকাৰৰ লখিমপুৰ জিলাৰ অভিভাৱক মন্ত্ৰী,তথা শ্ৰম মন্ত্ৰী সঞ্জয় কৃষাণ আৰু বিধায়ক নব কুমাৰ দলেক পৃষ্ঠপোষক, শিক্ষা আৰু ভৈয়াম জনজাতি উন্নয়ন বিভাগৰ মন্ত্ৰী ডাঃ ৰণোজ পেগুক সভাপতি,সেৱক চুতীয়াক কাৰ্যকৰী সভাপতি , পূৰ্ণানন্দ গগৈ , পূস্পা গগৈ, কেশব গগৈ, ডিম্বেশ্বৰ চাংমাইক উপ সভাপতি, বিদ্যালয়ৰ প্ৰধান শিক্ষয়িত্ৰী পদ্মাৱতী কোচক সাধাৰণ সম্পাদিকা, সহকাৰী শিক্ষক নৰেন শইকীয়া , কামাখ্যা শইকীয়া আৰু শুভ দাসক সহকাৰী সাধাৰণ সম্পাদক , ভাস্কৰ দাসক কোষাধ্যক্ষ হিচাপে লৈ এখন ৩১ জনীয়া কাৰ্যকৰী সমিতি সৰ্বসন্মতভাৱে গঠন কৰা হয় । লগতে প্ৰয়োজনীয়তা অনুসৰি এই সমিতিয়ে আৰু সক্ৰিয় সদস্য সংযোজন কৰিব পাৰিব বুলি সভাই সিদ্ধান্ত গ্ৰহণ কৰে আৰু পৰবৰ্তী সময়ত উদযাপন সমিতিখনে বিভিন্ন উপ সমিতি সমূহ গঠন কৰাৰ সিদ্ধান্ত লোৱা হয় । ঢকুৱাখনাৰ শৈক্ষিক স্বাভিমানৰ প্ৰতীক স্বৰূপ বিদ্যালয়খনৰ আগত ডেৰশ বছৰীয়া জয়ন্তী সফল উদযাপনৰ বাবে নবগঠিত উদযাপন সমিতিখনৰ হৈ সম্পাদক ,প্ৰধান শিক্ষয়িত্ৰী পদ্মাৱতী কোচে সকলো শ্ৰেণীৰ ৰাইজৰ সহায় সহযোগিতা।,দিহা পৰামৰ্শ আন্তৰিকতাৰে কামনা কৰিছে। বাতৰি যুগুতালে অমৃত পৱন বৰাই।
Trending
- মন্ত্ৰী জয়ন্ত মল্লবৰুৱাৰ উপস্থিতিত স্বাক্ষৰিত হয় এইমএছ গুৱাহাটী আৰু নলবাৰী চিকিৎসা মহাবিদ্যালয় আৰু চিকিৎসালয়ৰ মাজত এক বুজাবুজি চুক্তি
- আজিৰে পৰা ১৩৩ সংখ্যক ইণ্ডিয়ান অইল ডুৰাণ্ড কাপ ফুটবল
- অমৃত বৃক্ষ আন্দোলনৰ অধীনত মৰিগাঁও জিলাত ৭ লাখ গছপুলি ৰোপণৰ লক্ষ্য
- তামুলপুৰত স্বাধীনতা দিৱসৰ প্ৰস্তুতি সম্পৰ্কীয় সভা
- গুৱাহাটী জল ব’ৰ্ডৰ কাম-কাজৰ বিস্তৃত পৰ্যালোচনাৰ অন্তত মন্ত্ৰী অশোক সিংহলৰ ঘোষণা
- গোৱালপাৰাৰ সদ্যপ্ৰয়াত ব্যৱসায়ী অশোক গোৱেলৰ বাসগৃহত উপস্থিত হৈ শোকাৰ্ত পৰিয়ালবৰ্গক সাক্ষাৎ মন্ত্ৰী অশোক সিংহলৰ
- আকাশবাণী নগাঁও কেন্দ্ৰৰ ৰাষ্ট্ৰীয় সম্প্ৰচাৰ দিন উদযাপন
- গুৱাহাটীত সাংবাদিকৰে মননশীল আলোচনাত অৰ্গেনাইজাৰ” পত্ৰিকাৰ মুখ্য সম্পাদক প্ৰফুল্ল কেতকাৰ
- পৌৰ প্ৰশাসনৰ সংস্কাৰ, উদ্যান আৰু বজাৰগৃহ নিৰ্মাণ, স্বচ্চ ভাৰত অভিযান আদি বিভিন্ন বিষয়ত জনতা ভৱনত মন্ত্ৰী অশোক সিংহলৰ কেইবাখনো গুৰুত্বপূৰ্ণ বৈঠক
- অসম জাতীয়তাবাদী যুৱ ছাত্ৰ পৰিষদৰ ৰামপুৰ আঞ্চলিক সমিতি গঠন