পিতৃ-মাতৃ হীন চাৰিটি শিশুৱে মাকুমস্থিত কেশৱ বাহেতী সূৰ্যোদয় শিশুগৃহতেই জীৱনৰ আদি পাঠ আৰম্ভ কৰিছিল। পিতৃ-মাতৃৰ হেৰুৱা মৰম আৰু ভালপোৱাবোৰ এই শিশুগৃহৰ বুকুতেই বিচাৰি পাইছিল । প্ৰায় চাৰিটা বছৰ শিশুগৃহত থাকোতেই মনিকা, অভিক, ৰাণী আৰু ৰশ্মিক হেৰুৱা পিতৃ- মাতৃৰ স্নেহ প্ৰদান কৰিবলৈ সাত সাগৰ তেৰ নদীৰ সিপাৰৰ ইউৰোপৰ মাল্টা নামৰ ঠাই খনৰ পৰা ডৰিলি ভীলা, এলটন ভীলা আৰু কাউডিয়েন মাইচিলি নামৰ দুটা পৰিয়াল আগবাঢ়ি আহিল। দত্তক গ্ৰহণৰ সকলো যাবতীয় কাম সম্পন্ন কৰি তেওঁলোক তিনিচুকীয়াত উপনীত হৈ গংগাবাৰীস্থিত কেশৱ বাহেতী সূৰ্যোদয় শিশুগৃহতে ভৰি দিয়েহি। শিশুগৃহৰ সকলোৱে এই বিদেশী তিনিগৰাকী অতিথিক উষ্ণ আদৰণি জনোৱাৰ লগতে অসমীয়া জা-জলপানেৰে আপ্যায়ন কৰে। শিশুগৃহৰ তৰপৰ পৰা সভাপতি প্ৰেমেন্দ্ৰ শৰ্মা, উপসভাপতি ললিত গগৈ, সমাজকৰ্মী তথা শিশুগৃহৰ উপদেষ্টা নাৰায়ণ বাহেতীয়ে ফুলাম গামোছাৰে আদৰণি জনায় । ইয়াৰ উপৰিও শিশুগৃহৰ অধীক্ষক প্ৰিয়ংকা শৰ্মা, সম্পাদক অখিল চন্দ্ৰ বৰুৱা, সূৰ্যোদয়ৰ সভাপতি ৰণজিৎ দত্ত, ননী গোপাল দত্ত, দিলীপ কাকতি, ৰূপম দাস, বৰষা বৰঠাকুৰ, ময়ূৰী বাগ, মুকুন্দ বৰা, আদি সকলোৱে আদৰণি জনাইছে । কেশৱ বাহেতী সূৰ্যোদয় শিশুগৃহতে ডাঙৰ হোৱা মণিকা, অভিক, ৰাণী আৰু ৰশ্মীক এক আবেগিক মূহুৰ্ত্তৰ মাজেৰে সকলোৱে বিদায় জনায় । শিশুগৃহৰ কৰ্তৃপক্ষৰ লগতে আন সহযোগী শিশু সকলেও উচুপি উঠিছিল বিদায়ৰ বিয়লি বেলাত। ৰাজ্যখনৰ চাৰিটা শিশুৱে আজি দেশ এৰি যাবলৈ লোৱা এই কাৰ্যসূচীটি তিনিচুকীয়া জিলা পৰিষদৰ কাৰ্যালয়ত আদৰ নামৰ সংস্হাটিৰ সৌজন্যত আৰু কেশৱ বাহেতী সূৰ্যোদয় শিশুগৃহৰ সহযোগত আনুষ্ঠানিক আন্তৰাষ্ট্ৰীয় দত্তক (Adoption) গ্ৰহণ অনুষ্ঠানটিত সম্পন্ন হয়। জিলা উন্নয়ন আয়ুক্ত নয়ন জ্যোতি সভাপণ্ডিত, সহ আয়ুক্ত অপৰূপা বৰগোহাঁই, নিলাক্ষী ভূঞা, জিলা শিশু সুৰক্ষা গোটৰ বিষয়া ৰিজুৱানা তাচমিন হাজৰিকা, জিলা শিশুসুৰক্ষা সমিতিৰ অধ্যক্ষ ভৱানন্দ গোহাঁই, শিশুগৃহৰ সম্পাদক অখিল চন্দ্ৰ বৰুৱাৰ লগতে আদৰৰ সভাপতি ইজৰাইল নন্দই আনুষ্ঠানিক বিদায় অনুষ্ঠানটিত বক্তব্য আগবঢ়াই সমগ্ৰ ৰাজ্যখনৰ বাবে ই এক আশাৰ বতৰা কঢ়িয়াই আনিছে বুলি অভিহিত কৰে। ইতিমধ্যে চাৰিটি শিশুৱে দিল্লী হৈ পেৰিছ আৰু তাৰপৰা মাল্টা লৈ যোৱাৰ পথত ভৰি দিছে।
Trending
- মন্ত্ৰী জয়ন্ত মল্লবৰুৱাৰ উপস্থিতিত স্বাক্ষৰিত হয় এইমএছ গুৱাহাটী আৰু নলবাৰী চিকিৎসা মহাবিদ্যালয় আৰু চিকিৎসালয়ৰ মাজত এক বুজাবুজি চুক্তি
- আজিৰে পৰা ১৩৩ সংখ্যক ইণ্ডিয়ান অইল ডুৰাণ্ড কাপ ফুটবল
- অমৃত বৃক্ষ আন্দোলনৰ অধীনত মৰিগাঁও জিলাত ৭ লাখ গছপুলি ৰোপণৰ লক্ষ্য
- তামুলপুৰত স্বাধীনতা দিৱসৰ প্ৰস্তুতি সম্পৰ্কীয় সভা
- গুৱাহাটী জল ব’ৰ্ডৰ কাম-কাজৰ বিস্তৃত পৰ্যালোচনাৰ অন্তত মন্ত্ৰী অশোক সিংহলৰ ঘোষণা
- গোৱালপাৰাৰ সদ্যপ্ৰয়াত ব্যৱসায়ী অশোক গোৱেলৰ বাসগৃহত উপস্থিত হৈ শোকাৰ্ত পৰিয়ালবৰ্গক সাক্ষাৎ মন্ত্ৰী অশোক সিংহলৰ
- আকাশবাণী নগাঁও কেন্দ্ৰৰ ৰাষ্ট্ৰীয় সম্প্ৰচাৰ দিন উদযাপন
- গুৱাহাটীত সাংবাদিকৰে মননশীল আলোচনাত অৰ্গেনাইজাৰ” পত্ৰিকাৰ মুখ্য সম্পাদক প্ৰফুল্ল কেতকাৰ
- পৌৰ প্ৰশাসনৰ সংস্কাৰ, উদ্যান আৰু বজাৰগৃহ নিৰ্মাণ, স্বচ্চ ভাৰত অভিযান আদি বিভিন্ন বিষয়ত জনতা ভৱনত মন্ত্ৰী অশোক সিংহলৰ কেইবাখনো গুৰুত্বপূৰ্ণ বৈঠক
- অসম জাতীয়তাবাদী যুৱ ছাত্ৰ পৰিষদৰ ৰামপুৰ আঞ্চলিক সমিতি গঠন