গ্ৰাহকসকলৰ প্ৰাপ্য অধিকাৰ বাবে সচেতন মঞ্চ কনজিউমাৰ ৰাইটচ অৰগেনাইজেচন অসমৰ ৰাজ্যিক সমিতিৰ ‘প্ৰতিষ্ঠা দিৱস’ যোৱা ২৩ জুনত গুৱাহাটীস্থিত ‘কুমাৰ ভাস্কৰ’ নাট্য মন্দিৰৰ সভাকক্ষত অনুষ্ঠিত হৈ যায়। গ্ৰাহকসকলৰ মাজত সজাগতা বৃদ্ধিৰ বাবে এখন আলোচনা চক্ৰ অনুষ্ঠিত হয়। আলোচনা চক্ৰত অৱসৰপ্ৰাপ্ত ন্যায়ধীশ ব্ৰজেন্দ্ৰ প্ৰসাদ কটকী, অৱসৰপ্ৰাপ্ত সচিব ভুপেন্দ্ৰ নাথ দাস, অসম চৰকাৰৰ খাদ্য বিশ্লেষক অনুপম গগৈ, বৈধ পৰিমাণ বিজ্ঞান বিভাগৰ নিয়ন্ত্ৰক শচিন্দ্ৰ নাথ বৈশ্য, জ্যেষ্ঠ খাদ্য সুৰক্ষা বিষয়া তপন কুমাৰ দাসৰ লগতে সংস্থাৰ বিভিন্ন জিলাৰ প্ৰতিনিধি তথা চুবুৰীয়া ৰাজ্য সমুহৰ শতাধিক বিশিষ্ট ব্যক্তিসকলৰ উপস্থিত থাকে। অনুষ্ঠানত সামগ্ৰীসমুহৰ জোখ মাখ তথা খাদ্য সামগ্ৰী বৈধ পৰিমাণ ইত্যাদিৰ ওপৰত সজাগতা বৃদ্ধি কৰা হয়। ইয়াৰ উপৰিও ছাত্ৰ-ছাত্ৰীসকলৰ মাজত গ্ৰাহক অধিকাৰ সম্পৰ্কে সচেতনতা সৃষ্টিৰ বাবে যোৱা ১৬ জুনত সংস্থাৰ তৰফৰ পৰা এখনি চিত্ৰাংকন প্ৰতিযোগিতা অনুষ্ঠিত কৰাৰ উপৰিও ২২ জুনত এখন বাটৰ নাট অনুষ্ঠিত কৰি জনসাধৰণৰ পৰা বিপুল সহাৰি লাভ কৰিবলৈ সক্ষম হয়। অনুষ্ঠানৰ লগত সংগতি ৰাখি বিভিন্ন বিদ্যালয়ৰ ছাত্ৰ-ছাত্ৰীসকলৰ দ্বাৰা সাংস্কৃতিক কাৰ্যসূচী ‘প্ৰতিষ্ঠা দিৱস’ত পৰিবেশন কৰি উপস্থিত লোকসকলক আপ্লুত কৰে।
Trending
- আজাৰাত এন ডি আৰ এফৰ প্ৰথম বেটেলিয়ানত সঞ্চালক প্ৰধান পীযুষ আনন্দ
- ৭৭ নং ঢকুৱাখনা বিধানসভা সমষ্টিৰ নিৰ্বাচনী বিষয়া কৰ্মী ৰাওনা ভোটকেন্দ্ৰলৈ
- ধেমাজি জৱাহৰ নবোদয় বিদ্যালয়ত সমাবেশ অনুষ্ঠান-নবাগতক বিদ্যালয় কৰ্তৃপক্ষৰ আদৰণি
- দীপৰ বিলৰ কাষৰীয়া দেউছতালত বৰো ধানৰ খেতিৰে সেউজ বিপ্লৱ গঢ়িছে বলেশ্বৰ ৰংপীয়ে
- ড্ৰাই ডে ঘোষণা
- মহানগৰীত ন’ ফ্লাই আৰু ন ক্ৰেকাৰ জ’ন “ঘোষণা জিলা দণ্ডাধীশৰ
- ব্যয় পৰ্যবেক্ষকৰ বৈঠক
- দুদিনীয়া কাৰ্যসূচীৰে অসমলৈ আহিব পঞ্জাবৰ মুখ্যমন্ত্ৰী ভগৱন্ত মান
- এল জি ইলেক্ট্ৰনিক্সে মুকলি কৰিলে MoodUP*
- যোগোৎসৱ আয়োজন