ৰূপকোঁৱৰ জ্যোতিপ্ৰসাদ আগৰৱালাৰ মৃত্যু তিথি ৰাজ্যৰ বিভিন্ন প্ৰান্তত আজি শিল্পী দিৱস হিচাপে উদযাপন কৰাৰ সমান্তৰালভাৱে পলাশবাৰী সাহিত্য সভাৰ উদ্যোগতো দিনযোৰা কাৰ্যসূচীৰে মিৰ্জাস্থিত সাহিত্য সভা ভৱনত শিল্পী দিৱস উদযাপন কৰা হয়। কাৰ্যসূচী অনুসৰি পুৱা সাহিত্য সভাৰ পতাকা উত্তোলন কৰে পলাশবাৰী সাহিত্য সভাৰ সভাপতি যুগল চন্দ্ৰ বৈশ্যই, জ্যোতিপ্ৰসাদ আগৰৱালাৰ প্ৰতিচ্ছবিত মাল্যৰ্পন কৰে উপ-সভাপতি অমিয় কুমাৰ কলিতা, বন্তি প্ৰজ্বলন কৰে প্ৰাক্তন ভাৰপ্ৰাপ্ত সভাপতি গজেন চন্দ্ৰ দাসে। ১০ বজাত শিল্পী ভৱানী দাস কুমাৰীৰ সোঁৱৰণত অনুষ্ঠিত জ্যোতি সংগীত প্ৰতিযোগিতাত প্ৰথম স্থান কুইন দাস, দ্বিতীয় স্থান বিপাশা কলিতা, তৃতীয় স্থান ৰাগিনী প্ৰিয়াই অধিকাৰ কৰাৰ লগতে উদগনী মূলক বঁটা লাভ কৰে বৰষা মহন্তই।দুপৰীয়া ১ বজাত ‘জ্যোতিপ্ৰসাদৰ কবিতাত ঐতিহ্য চেতনা’ শীৰ্ষক এক বক্তৃতা অনুষ্ঠান আৰু বঁটা বিতৰণ সভা অনুষ্ঠিত হয়। দক্ষিণ কামৰূপ ছোৱালী মহাবিদ্যালয়ৰ অসমীয়া বিভাগৰ সহযোগী অধ্যাপিকা ড০ জাহ্নৱী দেৱীয়ে নিৰ্দিষ্ট বক্তা হিচাপে উপস্থিত থাকিব নোৱাৰাত তেওঁ প্ৰেৰণ কৰা লিখিত ভাষণ পাঠ কৰে অৱসৰপ্ৰাপ্ত অধ্যক্ষ ড০ গজেন্দ্ৰ অধিকাৰীয়ে। সভাত ড০ যোগেন কুমাৰ দাসেও ভাষণ প্ৰদান কৰে। অনুষ্ঠানত আবৃতি পৰিবেশন কৰে গোপাল কলিতা, জ্যোতি সংগীত পৰিবেশন কৰে মনোজ কুমাৰ দাস, সাধনা কুমাৰী, মেঘালী দাস মহন্তই। শেষত স্থানপ্ৰাপ্ত প্ৰতিযোগীসকলক বঁটা প্ৰদান কৰে বলেন্দ্ৰ চন্দ্ৰ কুমাৰে আৰু অশোক দেৱ গোস্বামীয়ে।
Trending
- মন্ত্ৰী জয়ন্ত মল্লবৰুৱাৰ উপস্থিতিত স্বাক্ষৰিত হয় এইমএছ গুৱাহাটী আৰু নলবাৰী চিকিৎসা মহাবিদ্যালয় আৰু চিকিৎসালয়ৰ মাজত এক বুজাবুজি চুক্তি
- আজিৰে পৰা ১৩৩ সংখ্যক ইণ্ডিয়ান অইল ডুৰাণ্ড কাপ ফুটবল
- অমৃত বৃক্ষ আন্দোলনৰ অধীনত মৰিগাঁও জিলাত ৭ লাখ গছপুলি ৰোপণৰ লক্ষ্য
- তামুলপুৰত স্বাধীনতা দিৱসৰ প্ৰস্তুতি সম্পৰ্কীয় সভা
- গুৱাহাটী জল ব’ৰ্ডৰ কাম-কাজৰ বিস্তৃত পৰ্যালোচনাৰ অন্তত মন্ত্ৰী অশোক সিংহলৰ ঘোষণা
- গোৱালপাৰাৰ সদ্যপ্ৰয়াত ব্যৱসায়ী অশোক গোৱেলৰ বাসগৃহত উপস্থিত হৈ শোকাৰ্ত পৰিয়ালবৰ্গক সাক্ষাৎ মন্ত্ৰী অশোক সিংহলৰ
- আকাশবাণী নগাঁও কেন্দ্ৰৰ ৰাষ্ট্ৰীয় সম্প্ৰচাৰ দিন উদযাপন
- গুৱাহাটীত সাংবাদিকৰে মননশীল আলোচনাত অৰ্গেনাইজাৰ” পত্ৰিকাৰ মুখ্য সম্পাদক প্ৰফুল্ল কেতকাৰ
- পৌৰ প্ৰশাসনৰ সংস্কাৰ, উদ্যান আৰু বজাৰগৃহ নিৰ্মাণ, স্বচ্চ ভাৰত অভিযান আদি বিভিন্ন বিষয়ত জনতা ভৱনত মন্ত্ৰী অশোক সিংহলৰ কেইবাখনো গুৰুত্বপূৰ্ণ বৈঠক
- অসম জাতীয়তাবাদী যুৱ ছাত্ৰ পৰিষদৰ ৰামপুৰ আঞ্চলিক সমিতি গঠন