অসম চৰকাৰৰ মুখ্য সচিব হিচাপে প্ৰায় ৩৫ বছৰীয়া কৰ্মজীৱন সামৰি ৩১ আগষ্টত অৱসৰ গ্ৰহণ কৰে নীতি নিষ্ঠ বিষয়া হিচাপে সুনাম থকা জিষ্ণু বৰুৱাই । কিন্ত অৱসৰৰ প্ৰাকক্ষণত ২৬ আগষ্টত গোৱালপাৰা জিলাৰ মৰনৈত থকা উত্তৰ পূবৰ প্ৰথমখন সৈনিক স্কুল পৰিদৰ্শন কৰিছিল মুখ্য সচিব জিষ্ণু বৰুৱাই । বৰুৱাক সংগ দিছিল ৰাষ্ট্রীয় শিক্ষাৰ্থী বাহিনীৰ ( এন চি চি ) শ্বিলংস্থিত উত্তৰ পূব মণ্ডলৰ অতিৰিক্ত সঞ্চালক প্ৰধান , মেজৰ জেনেৰেল ভাস্কৰ কলিতাই । আনহাতে দুই ঘন্টাৰো অধিক সময় সৈনিক স্কুলত থকা জিষ্ণু বৰুৱাক স্কুলত প্ৰৱেশ কৰাৰ পাছত স্কুলৰ শিক্ষাৰ্থী সকলে সামৰিক প্ৰথাৰে অভিবাদন জনোৱাৰ লগতে তেওঁক গাৰ্ড অফ অনাৰ দিয়ে । ইয়াৰ উপৰি মেজৰ জেনেৰেল ভাস্কৰ কলিতা , সৈনিক স্কুলৰ ভাৰপ্ৰাপ্ত অধ্যক্ষ তথা ভাৰতীয় নৌ সেনাৰ কমাণ্ডাৰ নৰেশ চৌহানক লগত লৈ স্কুলৰ সভাগৃহত জিষ্ণু বৰুৱাই শিক্ষাৰ্থী সকলৰ সৈতে এক মত বিনিময় অনুষ্ঠানত মিলিত হয় । অনুষ্ঠানত জিষ্ণু বৰুৱাই শিক্ষাৰ্থী সকলক ভাৰতৰ সশস্ৰ বাহিনীৰ বিষয়া পদত অধিষ্ঠিত হৈ দেশ মাতৃৰ সেৱা আগবঢ়াবলৈ আহ্বান জনোৱাৰ লগতে কেন্দ্ৰীয় লোকসেৱা আয়োগৰ প্ৰতিযোগিতামুলক পৰীক্ষা সমূহত অৱতীৰ্ণ হবলৈ এতিয়াৰে প্ৰস্তুতি আৰম্ভ কৰিবলৈও আহ্বান জনায়।
Trending
- মেঘালয়ত প্ৰথম বাৰৰ বাবে জনজাতি মহিলা আৰক্ষী প্ৰধানৰ নিযুক্তি
- মিৰ্জা ইউনিক কালাৰ নামৰ অত্যাধুনিক পাৰ্লাৰ মুকলি
- কাঁন চলচ্চিত্ৰ মহোৎসৱ ২০২৪ত প্ৰদৰ্শিত হ’ব অসমত নিৰ্মিত হিন্দী বোলছবি ‘কুকি’
- তিতাবৰত ১১, ১২ মে’ত সপ্তম সদৌ অসম পেনচাক ছিলাট চেম্পিয়নশ্বিপ
- তথ্যচিত্ৰত উদ্ভাসিত হ’ব শতিকা প্ৰাচীন ফাটবিহু
- আজি চৰ্চা লাভ কৰিলে এই ভোট কেন্দ্রটোৱে
- দুৰন্ত তৰুণ ঘনশ্যাম শইকীয়াৰ ১০৮ বছৰীয়া জন্মজয়ন্তী উদযাপন
- গুৱাহাটীত যুৱ মৰ্চাৰ তিনি সহস্ৰাধিক বাইকেৰে বিশাল ৰেলী- বাইক ৰেলীৰ শুভাৰম্ভণি কৰে মুখ্যমন্ত্ৰী ডঃ হিমন্ত বিশ্ব শৰ্মাই
- বাইক ৰেলী অনুষ্ঠিত
- ৩৫ লাখ বাজেটেৰে সাজু মহঘুলি চাপৰি-ফাটবিহু উদযাপনকলৈ মহঘুলি চাপৰিত সংবাদমেল