অসমবাসীৰ বাবে এক গৌৰৱৰ খবৰ।অসমৰ নাট্য শিল্পী কিচমত বানোলৈ ওস্তাদ বিছমিল্লা খান যুৱ পুৰস্কাৰ।যোৱা ২৫ নৱেম্বৰত সংগীত-নাটক একাডেমীয়ে ঘোষণা কৰা অতি মর্যাদাসম্পন্ন ৰাষ্ট্ৰীয় বঁটা ওস্তাদ বিছমিল্লা খান যুৱ পুৰস্কাৰ লাভ কৰি অসমলৈ গৌৰৱ কঢ়িয়াই আনিছে নাট্য শিল্পী কিচমত বানোৱে।ভাৰতীয় থিয়েটাৰ ক্ষেত্ৰলৈ আগবঢ়োৱা উল্লেখনীয় অৱদানৰ বাবে অভিনয় ক্ষেত্ৰত কিচমত বানোলৈ ২০২০ বৰ্ষৰ বাবে ওস্তাদ বিছমিল্লা খান যুৱ পুৰস্কাৰ বঁটা আগবঢ়োৱা হৈছে।কিচমত বানোৱে গুৱাহাটীৰ আগশাৰীৰ নাট্যগোষ্ঠী ছিগাল থিয়েটাৰত অভিনয় দিশত তিনি বছৰ প্রশিক্ষণ গ্রহণ কৰিছিল।ইয়াৰ পাছতে তেওঁ নিয়মীয়া থিয়েটাৰ অনুশীলন আৰু বিশেষভাবে সক্ষম আৰু উত্তৰ পূৰ্বাঞ্চলৰ সন্ত্ৰাস জৰ্জৰিত শিশু আৰু যুৱ প্ৰজন্মৰ বাবে থিয়েটাৰ কৰ্মশালা অনুষ্ঠিত কৰাৰ লক্ষ্যৰে উইংছ নামেৰে এক থিয়েটাৰ গোষ্ঠী প্রতিষ্ঠা কৰিছিল।তেওঁ ৰচনা কৰা হেলেন, বানো,সপোন,পোহৰ আদি নাট পৰিচালনা কৰাৰ উপৰিও অভিনয় কৰি প্ৰশংসা বুটলিবলৈ সক্ষম হৈছিল।তেওঁৰ দ্বাৰা ৰচিত, অভিনীত কেইবাখনো নাট ভাৰতৰ বিভিন্ন ঠাইৰ লগতে বিদেশতো মঞ্চস্থ হৈ ভূয়ষী প্রশংসা লাভ কৰিছে।২০১৭ত ভাৰত চৰকাৰৰ সাংস্কৃতিক মন্ত্ৰালয় আৰু এনইজেদচিচি ৰ পৰা থিয়েটাৰ ক্ষেত্ৰত যুৱ প্ৰতিভাৰ বঁটা লাভ কৰিবলৈ সক্ষম হৈছিল বানোৱে।২০১৯ বৰ্ষত তেওঁ থিয়েটাৰ ক্ষেত্ৰৰ ৰাবে লাভ কৰিছে ভাৰত চৰকাৰৰ সাংস্কৃতিক মন্ত্ৰালয়ৰ ফেল’শ্বিপ।তেওঁ ইউনেস্ক’ৰ দ্বাৰা আয়োজিত দ্বিতীয় ঢাকা আন্তর্জাতিক থিয়েটাৰ মহোৎসৱ, কলকাতাৰ নান্দিকাৰ থিয়েটাৰ ফেষ্টিভেল, মুম্বাইৰ কালাঘোঁৰা আৰ্ট ফেষ্টিভেল আৰু দেশৰ বিভিন্ন থিয়েটাৰ ফেষ্টিভেলত নাট্য প্রযোজনা মঞ্চায়ন কৰিবলৈ আমন্ত্ৰিত হৈ আহিছে।
Trending
- গোলাঘাটত নিৰ্মীয়মান আগৰ বাণিজ্য কেন্দ্ৰ পৰিদৰ্শন উদ্যোগ মন্ত্রী বিমল বড়াৰ
- Ford Hospital brings renowned Orthopaedic surgeon to Guwahati
- ব্ৰহ্মপুত্ৰৰ বলুকা চিৰ সেউজ কৰি তুলিছে মঞ্জিত পাতিৰে
- শিল্পী অৰুণ দাসৰ স্বাস্হ্যৰ বুজ ল’লে ৰাজ্যৰ সাংস্কৃতিক পৰিক্ৰমা দপ্তৰৰ মন্ত্রী বিমল বড়াই
- প্রাক্তন খেলুৱৈ, প্ৰশিক্ষক, ক্রীড়া সংগঠক আদিক লৈ অসম এথলেটিকছ এছোচিয়েচনৰ পূৰ্ণাংগ সমিতি ঘোষণা
- গুৱাহাটী প্ৰেছ ক্লাবৰ উদ্যোগত ৰান ফৰ প্ৰাইড শীৰ্ষক অনুষ্ঠান সম্পন্ন
- শিক্ষাৰ ক্ষেত্ৰখনক অধিক টনকিয়াল কৰাৰ স্বাৰ্থত ৰাজ্য চৰকাৰৰ বিদ্যালয় শিক্ষা বিভাগৰ উদ্যোগত শিক্ষা বিষয়া সকলৰ দিনযোৰা কৰ্মশালা অনুষ্ঠিত
- অসমত প্ৰধানমন্ত্ৰী আৱাস যোজনা ( নগৰীয়া)ৰ আশাপ্ৰদ প্ৰদৰ্শন-এইপৰ্যন্ত ২০৭২.৬৭ কোটি টকা ব্যয়, নিৰ্ধাৰিত লক্ষ্যৰ ৮৫.০৪ শতাংশ গৃহৰ নিৰ্মাণ সম্পূৰ্ণ
- ৮৬সংখ্যক ৰামপুৰ আঞ্চলিক ৰাস মহোৎসৱৰ কাৰ্যালয় মুকলি
- নৰ্থ ইষ্ট ইউনাইটেড এফ চিৰ শ্বিলঙত একাডেমী প্ৰতিষ্ঠা হ’ব