২০০৭ চনৰ কথা।প্ৰায় ১৩ বছৰ মালয়েছিয়ান কোম্পানীত কাম কৰি এজন যুৱক অসমলৈ আহিল।যুৱক জনৰ নাম কি জানেনে!তেখেতৰ নাম হ’ল টেনজিং বডোছা।ওদালগুৰি জিলাৰ চামৰাং ২ নং খৈৰানী গাঁৱৰ এই যুৱকজনে জৈৱিক পদ্ধতিৰে চাহ খেতি কৰি সমগ্ৰ বিশ্বতে সমাদৰ লাভ কৰিছে।জানি সুখী হ’ব যে এই যুৱকজনে জৈৱিক পদ্ধতিৰে বৰ্তমানলৈকে ৩২ বিধ চাহৰ খেতি কৰিছে। তেখেতে কৰা চাহৰ বাগিছা সমূহ চাবলৈ দেশ বিদেশী বহুতো পৰ্যটক আহে।এন ই ফ’কাচ ডট কমৰ প্ৰতিনিধি গীতাঞ্জলি গগৈৰ সৈতে হোৱা এক সাক্ষাৎকাৰত তেখেতে জৈৱিক চাহ খেতি কৰাৰ সম্পৰ্কে এনেদৰে কয়- একাপ চাহেৰে আমাৰ দিনটো আৰম্ভ কৰো।আৰু এই চাহকাপ সম্পূর্ণ বিশুদ্ধ হোৱা উচিত।কিন্তু আমি সততে ব্যৱহাৰ কৰি থকা চাহৰ পেকেটবোৰ ৰাসায়নিক সাৰযুক্ত।যিবোৰ সেৱন কৰিলে আমাৰ স্বাস্থ্যৰ অৱনতি ঘটে।তাৰে চিন্তাৰ আলমত মই এনেধৰণৰ জৈৱিক চাহ খেতি কৰাৰ কথা ভাবিলো।উল্লেখযোগ্য যে উদ্যমীজনে জৈৱিক চাহ খেতি কৰাৰ বাবে মাদাৰ টী ইণ্ডাষ্ট্ৰীত গৈ জৈৱিক চাহ প্ৰস্তুতকৰণৰ বাবে বিভিন্ন তথ্য আহৰণ কৰিছিল।বৰ্তমান তেখেতে প্ৰস্তুত কৰা চাহ জাৰ্মান,কানাডা,ইউ এছ এ,ফ্ৰাণ্স ধৰি ১৫ খন ঠাইলৈ পঠায়।সমান্তৰালকৈ তেখেতে ফল-মূলৰ বাগিছাও পাতিছে।য’ত আম,কঁঠাল,লিচু,মধুৰি খাবলৈ বিভিন্ন চৰাইৰ আগমন হয়।লগতে বাগিছালৈ বাঘ,হাতী,হৰিণ,মিথুন,বান্দৰৰ আগমনো ঘটে।তেখেতে পৰ্যটকৰ সুবিধাৰ্থে প্ৰাকৃতিক সৌন্দর্য্য উপভোগ কৰিবলৈ দুটা ট্ৰী হাউচ আৰু সৰুকৈ ৰেষ্টুৰেণ্ট সাজি উলিয়াইছে।উল্লেখ্য যে,বডোছাৰ এলিফেন্ট ফ্ৰেণ্ডলি টী ইক’ টুৰিজম এখন স্বীকৃতিপ্রাপ্ত জৈৱিক ফাৰ্ম।এই বাগিছাৰ জৰিয়তে ৪৫ জন ব্যক্তিৰ জীৱন জীৱিকাৰ পথো মুকলি হৈছে।আচলতে কেতিয়াও খেতিয়ক হ’ব নিবিচৰা টেনজিং বডোছা আজি চাহ খেতিয়ক হিচাপে অসমৰ লগতে সমগ্ৰ বিশ্বতে পৰিচিত।প্ৰকৃতিৰ প্ৰতি থকা আকুলতাৰ বাবেই এই কাম সম্ভৱপৰ হৈ উঠা বুলিও জানিবলৈ দিয়ে ।এনেধৰণৰ ইতিবাচক খবৰৰ বাবে চাবলৈ নাপাহৰিব এন ই ফ’কাচ ডট কমক।
Trending
- মন্ত্ৰী জয়ন্ত মল্লবৰুৱাৰ উপস্থিতিত স্বাক্ষৰিত হয় এইমএছ গুৱাহাটী আৰু নলবাৰী চিকিৎসা মহাবিদ্যালয় আৰু চিকিৎসালয়ৰ মাজত এক বুজাবুজি চুক্তি
- আজিৰে পৰা ১৩৩ সংখ্যক ইণ্ডিয়ান অইল ডুৰাণ্ড কাপ ফুটবল
- অমৃত বৃক্ষ আন্দোলনৰ অধীনত মৰিগাঁও জিলাত ৭ লাখ গছপুলি ৰোপণৰ লক্ষ্য
- তামুলপুৰত স্বাধীনতা দিৱসৰ প্ৰস্তুতি সম্পৰ্কীয় সভা
- গুৱাহাটী জল ব’ৰ্ডৰ কাম-কাজৰ বিস্তৃত পৰ্যালোচনাৰ অন্তত মন্ত্ৰী অশোক সিংহলৰ ঘোষণা
- গোৱালপাৰাৰ সদ্যপ্ৰয়াত ব্যৱসায়ী অশোক গোৱেলৰ বাসগৃহত উপস্থিত হৈ শোকাৰ্ত পৰিয়ালবৰ্গক সাক্ষাৎ মন্ত্ৰী অশোক সিংহলৰ
- আকাশবাণী নগাঁও কেন্দ্ৰৰ ৰাষ্ট্ৰীয় সম্প্ৰচাৰ দিন উদযাপন
- গুৱাহাটীত সাংবাদিকৰে মননশীল আলোচনাত অৰ্গেনাইজাৰ” পত্ৰিকাৰ মুখ্য সম্পাদক প্ৰফুল্ল কেতকাৰ
- পৌৰ প্ৰশাসনৰ সংস্কাৰ, উদ্যান আৰু বজাৰগৃহ নিৰ্মাণ, স্বচ্চ ভাৰত অভিযান আদি বিভিন্ন বিষয়ত জনতা ভৱনত মন্ত্ৰী অশোক সিংহলৰ কেইবাখনো গুৰুত্বপূৰ্ণ বৈঠক
- অসম জাতীয়তাবাদী যুৱ ছাত্ৰ পৰিষদৰ ৰামপুৰ আঞ্চলিক সমিতি গঠন