গগণা মুম্বাই’ সৌজন্যত পোনপ্ৰথম বাৰৰ বাবে মুম্বাইত অনুষ্ঠিত হ’ব অসমীয়া পূৰ্ণাংগ ভাওনা। গগণা’ মুম্বাইৰ প্ৰবাসী অসমীয়াৰ এটা সামাজিক সাংস্কৃতিক সংস্থা, যি মুম্বাইত বসবাস কৰি থকা অসমৰ মানুহক ঐক্যবদ্ধ কৰি অসমীয়া কৃষ্টি-সংস্কৃতি পৰম্পৰাৰ চৰ্চা আৰু প্ৰসাৰৰ বাবে কাম কৰি আহিছে।অসমীয়া জাতিৰ পৰিচয় বহিঃৰাজ্যৰ মানুহৰ মাজত সঠিক আৰু সুচাৰুৰূপে দাঙি ধৰি জাতিৰ গৰিমা বঢ়াবলৈ নিৰলস প্ৰচেষ্টা কৰি আহিছে।গগণাই দৃঢ়ভাৱে বিশ্বাস কৰে যে ভিন ভিন জাতিৰ কলা সংস্কৃতিৰ সমন্বয় আৰু যৌথ প্ৰদৰ্শনৰ মাজেৰে বিভিন্ন সম্প্ৰদায়ৰ মাজত ভাতৃত্ববোধ, আৰু সাম্প্ৰদায়িক সম্প্ৰীতি কটকটীয়া কৰিব পাৰি। অসমৰ বাহিৰত জন্ম হৈ এক যৌথ সমাজ আৰু সাংস্কৃতিক পৰিবেশত ডাঙৰ দীঘল হোৱা আজিৰ উঠি অহা চামক নিজৰ জাতিৰ ইতিহাস আৰু সাংস্কৃতিক ধাৰাৰ সতে পৰিচয় কৰি দিয়াৰ দায়িত্ব গগণাই কান্ধ পাতি লৈছে। অসমৰ ভাষা, কলা সংস্কৃতিৰ চৰ্চা আৰু সাংস্কৃতিক কাৰ্যসূচীৰ জৰিয়তে মুম্বাইস্থিত অসমীয়া সকলক একতাৰ ডোলেৰে বান্ধি ৰাখিবলৈ গগণা মুম্বাইয়ে চেষ্টা কৰি আহিছে।গগণাৰ লক্ষ্য উদ্দেশ্য আগত ৰাখি এইবাৰ মুম্বাইত আমি এখন পূৰ্ণাঙ্গ ভাওনা কৰিবলৈ মনস্থ কৰিছে। অসমীয়া জাতিৰ ভেটি গঢ়ি যোৱা মহাপুৰুষ শংকৰদেৱৰ বিশাল ব্যক্তিত্ব, তেখেতৰ অমূল্য সৃষ্টিৰাজি, কালজয়ী সৃষ্টি, ‘ভাওনা’ আদিৰ সতে বহিঃৰাজ্যৰ মানুহৰ চিনাকি কৰি দিব খুজি অহা ৯ ডিচেম্বৰৰ দেওবাৰে ৪ বজাৰ পৰা মিৰা ৰোডত এখন ভাওনা পাতিবলৈ সাজু হৈছে। যোৰহাটৰ ‘জোনবিৰি সাংস্কৃতিক দল’ উক্ত ভাওনা খন কৰিবলৈ আমন্ত্ৰণ কৰা হৈছে।এই প্ৰয়াসত সকলো সংস্কৃতি প্ৰেমী ৰাইজৰ সহাঁৰি আৰু সমৰ্থন পাম বুলি আশা প্ৰকাশ কৰিছে।
Trending
- National Lok Adalat & Consumer Awareness Programme on Lok Adalat Organized
- ডিমৰীয়া মহাবিদ্যালয়ত বিশ্ব অ’জন দিৱস ২০২৪ৰ ৰাজ্যিক পৰ্যায়ৰ অনুষ্ঠান
- দিল্লী ৰাষ্ট্ৰীয় ৰাজধানী অঞ্চলৰ গ্ৰেটাৰ নয়ডাৰ ইণ্ডিয়া এক্সপো মাৰ্টত কালিৰেপৰা অনুষ্ঠিত হৈছে চেমিকন ইণ্ডিয়া২০২৪’ সন্মিলন
- Career Counselling Seminar held at ADBU
- এয়াৰটেল ফাইনান্সে আৰম্ভ কৰিছে নতুন আঁচনি
- সুধাকন্ঠৰ সমাধি ক্ষেত্ৰত অনুষ্ঠিত হ’ল স্মৃতি তৰ্পণ অনুষ্ঠান
- জুবলী ফাউণ্ডেচনৰ উদ্যোগত মৃতকৰ অংগদান কৰ্মশালা
- এয়াৰটেলে তীব্ৰতৰ বাউজিং গ্ৰাহকক প্ৰদান কৰিছে
- গুৱাহাটী কবি কিশোৰ কুমাৰ জৈনৰ দুখনকৈ কাব্যগ্ৰন্থ উন্মোচন
- তামুলপুৰত অসম প্ৰত্যক্ষ নিযুক্তি পৰীক্ষা সম্পৰ্কীয় প্ৰশিক্ষণ